miércoles, 27 de mayo de 2026
Cómpre lembrar que isto levou ao Instituto Enerxético de Galicia (Inega), adscrito á Consellería de Economía e Industria, a acordar a suspensión temporal da tramitación do Plan con ADEN (Asociación Nacional de Distribuidores de Electrodomésticos), en tanto non se subsanasen as devanditas deficiencias, co compromiso de volver a habilitalo, en poucos días, a través da aplicación informática coa que o Inega viña desenvolvendo o programa en convocatorias anteriores. Deste xeito cúmprese o compromiso anunciado a semana pasada polo conselleiro de Economía e Industria de que o Plan estaría dispoñible en poucos días.
Economía e Industria pide de novo desculpas a todos os usuarios que se viran afectados por estas incidencias, e agarda que o programa se poda desenvolver con éxito e cumpra o seu cometido último, que é o de que máis de 33.500 familias poidan aforrar, mediante a substitución dun electrodoméstico antigo por outro máis eficiente con etiquetado enerxético A ou superior, unha media anual de 40 euros na factura da luz. Ademais estímase que con esta actuación de aforro e eficiencia, maioritariamente no sector doméstico, se xerará neste exercicio un investimento asociado de ao redor 12,4 millóns de euros, un aforro de enerxía primaria de 16.000 MWh e unha redución na emisión á atmosfera de 2.500 toneladas de CO2.
Todas as vendas incluídas no Plan que se tivesen realizado ata o aprazamento do mesmo, aínda que non puidesen ser rexistradas na aplicación, serán tidas en conta.
O Plan Renove de Electrodomésticos 2010 é a quinta edición desta campaña de aforro e eficiencia enerxética, na que o Inega leva investidos preto de 20 millóns de euros, incluídos os 3,1 millóns de orzamento inicial destinados neste exercicio, para incrementar o aforro enerxético e económico nos fogares galegos mediante a substitución de aparatos vellos por outros máis eficientes desde o punto de vista enerxético.
Cos catro Plans Renove de Electrodomésticos desenvolvidos ata actualidade posibilitouse a compra de máis de 187.000 electrodomésticos eficientes, que superarán os 220.000 cando se complete a execución do Plan 2010, o que demostra o excelente nivel de acollida que ten esta campaña entre o conxunto da cidadanía. Ademais, tendo en conta que cada familia galega aforra uns 40 euros anuais na factura da luz mediante a substitución dun electrodoméstico por outro con clasificación enerxética A ou superior, cos 220.000 electrodomésticos substituídos, terase posibilitado un aforro na factura eléctrica das familias galegas de case 9 millóns de euros.
77 millóns de euros de investimento asociado
Pero a maiores do aforro económico, o Instituto Enerxético de Galicia xerou coa execución deste Plan xa case 90.000 MWh de aforro en enerxía primaria, que superarán os 105.000 cando se complete a realización do Renove de Electrodomésticos 2010, así como unha redución superior ás 15.000 toneladas de CO2 evitadas á atmosfera. A través das cinco edicións desta campaña o Inega terá incentivado un investimento total asociado de 77 millóns de euros.
O presidente da Xunta, Alfonso Rueda, informou de que o Consello aprobou hoxe o Plan para o impulso da atención á diversidade de Galicia que se comezará a aplicar xa desde o vindeiro curso 2026-27 e contará 'cun importe de 118 millóns de euros ata 2030'. Unha folla de ruta que incluirá o reforzo do número de profesionais e novos recursos, así como melloras na organización e no traballo de xestión en prol dunha maior axilidade e eficiencia. A través deste plan da Consellería de Educación, Ciencia, Universidades e FP, dáse un novo paso na calidade da educación inclusiva e personalizada do sistema educativo galego.
Víctor Ruppen (A Coruña, 1940-2018) é unha figura clave para entender unha etapa decisiva na procura dun cinema galego con continuidade, ambición profesional e vontade de diálogo co público. Arquitecto técnico de formación, produciu en total sete películas e foi socio das cadeas de exhibición Valle-Inclán, en Santiago de Compostela, Alphaville, en Madrid, e das distribuidoras Musidora e Videogram. Tras apoiar proxectos en súper 8, Víctor Ruppen impulsou a partir de 1975 o salto cara a formatos profesionais, con traballos en 16 mm e 35 mm.
