miércoles, 27 de mayo de 2026
A Consellería de Traballo e Benestar destina este ano un total de dous millóns de euros para a posta en marcha de iniciativas empresariais de base tecnolóxica. Así o destacou a titular do departamento autonómico, Beatriz Mato, na entrega de premios do concurso Proxectos e Ideas Innovadoras USC Uniemprende, unha iniciativa da Universidade coa que colaborou a Dirección Xeral de Promoción do Emprego cunha partida de 18.000 euros.
O certame recoñece o labor dos emprendedores que presentan proxectos de empresas innovadoras, sempre que os plans estean promovidos por estudantes, licenciados ou investigadores universitarios. Uniemprende é unha actuación pioneira dentro e fóra de España no impulso de iniciativas emprendedoras desde a Universidade, indicou Mato.
Sobre a importancia de apoiar aos emprendedores galegos en todos os ámbitos fixo moito fincapé a conselleira na súa intervención no acto. Eles son os dinamizadores económicos do noso territorio e na medida que fomentemos as súas iniciativas altamente cualificadas estaremos apostando polo emprego de calidade, por empresas de calidade e por unha alta competitividade, apuntou Mato.
Así, destacou que o departamento autonómico que dirixe, ademais de reservar dous millóns de euros para proxectos de base tecnolóxica impulsa, entre outras actuacións, o programa empresa-concepto para a análise e asesoramento de cara á materialización de proxectos empresariais nacidos do ámbito universitario.
Non podemos permitir que as boas ideas creadas polos nosos estudantes e investigadores non teñan cabida en Galicia e, por iso, non debemos deixar de aproveitar esta dose extraordinaria de competitividade e innovación, sinalou.
Por iso, explicou que a Consellería está a planificar unha mellora no aproveitamento da transferencia de coñecementos ao servizo da sociedade, incidindo no ámbito dos servizos sociais. Ao respecto, expuxo que o Goberno galego vén de por en marcha o Plan Sociolaboral que busca a dinamización empresarial neste sector, así como o aproveitamento da creación de empregos que xerará 10.000 postos de traballo anuais ao longo do que resta de lexislatura.
Mato tamén explicou que o Plan Galego de Maiores, que se porá en marcha despois do verán, impulsará a innovación e a investigación aplicadas ao eido dos servizos.
Por todo elo, hai que loitar pola importancia de que o ámbito empresarial sexa receptivo á política de integración e intercambio de coñecementos, concluíu a conselleira.
O presidente da Xunta, Alfonso Rueda, informou de que o Consello aprobou hoxe o Plan para o impulso da atención á diversidade de Galicia que se comezará a aplicar xa desde o vindeiro curso 2026-27 e contará 'cun importe de 118 millóns de euros ata 2030'. Unha folla de ruta que incluirá o reforzo do número de profesionais e novos recursos, así como melloras na organización e no traballo de xestión en prol dunha maior axilidade e eficiencia. A través deste plan da Consellería de Educación, Ciencia, Universidades e FP, dáse un novo paso na calidade da educación inclusiva e personalizada do sistema educativo galego.
Víctor Ruppen (A Coruña, 1940-2018) é unha figura clave para entender unha etapa decisiva na procura dun cinema galego con continuidade, ambición profesional e vontade de diálogo co público. Arquitecto técnico de formación, produciu en total sete películas e foi socio das cadeas de exhibición Valle-Inclán, en Santiago de Compostela, Alphaville, en Madrid, e das distribuidoras Musidora e Videogram. Tras apoiar proxectos en súper 8, Víctor Ruppen impulsou a partir de 1975 o salto cara a formatos profesionais, con traballos en 16 mm e 35 mm.
