sábado, 11 de abril de 2026
O presidente da Xunta, Alberto Núñez Feijóo, expresou o apoio do Goberno galego á fábrica Alcoa-San Ciprián coa que mantén como compromiso prioritario o mantemento dos 2.000 postos de traballo directos e indirectos que xera a compañía. Temos o compromiso de buscar con esta factoría dous obxectivos para conquerir un fundamental: o mantemento de 2.000 postos de traballo entre directos e indirectos, remarcou.
Quero trasladar a esta industria clave para Galicia e para España o compromiso da Xunta no que se refire ao gas, e no que se refire a todo aquilo que se precise para manter os postos de traballo. Sabemos que é unha infraestrutura e unha industria estratéxica para a economía galega e, tamén, desde o punto de vista laboral, resaltou.
Segundo expuxo o presidente, o primeiro destes dous obxectivos é tentar conquerir que o gas chegue a esta factoría e que toda a dependencia de fuel que teñen na fábrica se substitúa polo gas. A tal efecto, precisou que a Consellería de Economía e Industria ten asinado xa coa factoría a primeira achega para facer uns tanques de autoconsumo que suporían que o 8 por cento do consumo de gas estea dalgún xeito garantido a través do convenio da Xunta, concretou.
Un gaseoduto directo
Así e todo, Feijóo considerou que esta medida non é suficiente posto que, segundo observou, sería necesario acadar un gaseoduto directo que inxecte gas nas caldeiras de fuel na fábrica e, así, solucionar a dependencia do fuel nunha das dúas factorías.
Para iso, sinalou que a Xunta ten intensificado as súas relacións coa propia factoría e co Ministerio de Industria, e expresou o seu desexo de que o Goberno galego poida obter unha resposta, previsiblemente en outono para que o ministerio faga un calendario concreto para facer o gaseoduto e inxectar así o gas que precisa esta factoría.
Así mesmo, manifestou que tamén é necesario establecer un mecanismo de estabilidade nos prezos da enerxía eléctrica para facer a electrólise e, polo tanto, para manter garantidos os custes moderados de produción e, así, manter os postos de traballo, incidiu.
O mandatario galego, que visitou hoxe por segunda vez a fábrica de Alcoa, cualificouna como unha das mellores factorías de alúmina-aluminio do mundo e unha das factorías máis importantes desde o punto de vista industrial de Galicia que, apuntou, é clave para Lugo, xa que o 30 % do PIB de toda a provincia se produce aquí.
Os sistemas de almacenamento enerxético resultan fundamentais para dar estabilidade ao sistema, tanto desde o punto de vista técnico como económico, grazas a súa contribución á resiliencia da rede e na redución das oscilacións dos prezos da factura eléctrica. Na actualidade Galicia conta con 46 expedientes de baterías en tramitación, que suman 492,75 MW, aos que hai que engadirlle outros 3 expedientes (17,75 MW) xa autorizados.
Foi presentada a nova edición da campaña Días Azuis do Comercio Galego, froito da colaboración entre o Executivo autonómico e a Federación Galega de Comercio, que se desenvolverá entre o 10 e o 30 de abril de 2026. Esta iniciativa ten como obxectivo incentivar e dinamizar o comercio de proximidade. Para iso, sortearanse 20.000 euros en premios entre as persoas consumidoras que realicen compras nos establecementos adheridos durante o período da campaña.
