viernes, 4 de julio de 2025
A Xunta de Galicia mantén o seu compromiso de apoiar o proxecto industrial da empresa conserveira Alfageme e o mantemento do cadro de persoal, sempre e cando a propiedade actual dea entrada a un novo socio maioritario coa solvencia de xestión e financeira necesarias para garantir a viabilidade futura da firma. Na procura de candidatos solventes para facerse cargo do grupo, o Igape contactou con diferentes grupos empresariais e investidores, ata localizar catro candidatos dispostos a facerse cargo de Alfageme, cos que se seguen mantendo contactos na procura dunha saÃda que garanta a continuidade da empresa. Por outra banda, e ao mesmo tempo, o Igape está a analizar polo miúdo o destino dado aos préstamos bancarios avalados a Alfageme e, no caso de detectarse un uso incorrecto do financiamento, levará a cabo as accións que correspondan.
Os contactos cos catro grupos candidatos comezaron a iniciativa do Instituto Galego de Promoción Económica (Igape), desenvolvéronse mediante numerosos encontros, é mantéñense na actualidade dentro dun clima de entendemento e coordinación, sen que en ningún momento ningunha das firmas interesadas expresase ningún malestar polo trato recibido no labor de mediación desenvolvido pola administración, que sempre as considerou candidatos sólidos. Antes ao contrario, estas firmas e o Instituto dependente da ConsellerÃa de EconomÃa e Industria comparten a súa preocupación por constatar as dificultades existentes para chegar a un acordo coa propiedade actual de Alfageme para facilitar o cambio na propiedade e na xestión, condición imprescindible para que desde a Xunta se poida manter o apoio ao plan industrial da compañÃa.
Alfageme acumulou importantes perdas durante os tres últimos anos, sen que a situación da firma mellorase despois da concesión, en abril de 2008 e marzo de 2009, de avais por importe de 30 millóns de euros. Con todo, a Xunta de Galicia está disposta a manter o apoio ao futuro da compañÃa, polo proxecto industrial reflectido no plan de viabilidade e pola continuidade dos postos de traballo, sempre a cando se dea entrada a un novo socio coa solvencia de xestión e financeira necesarias para sacar adiante un proxecto desta magnitude.
Desde a súa toma de posesión, o actual Goberno galego traballou de xeito intenso e constante para promover a adecuación e aplicación dun plan de viabilidade capaz de garantir a continuidade da firma e o mantemento do emprego na maior medida posible. Desde maio de 2009 ata a actualidade houbo encontros continuados coa propiedade, coas entidades financeiras acredoras, cos representantes dos traballadores e cos grupos interesados en facerse coa compañÃa. Acadáronse consensos arredor da aplicación do plan de viabilidade mediante unha dirección profesionalizada e sobre a necesidade de facilitar un cambio na propiedade da firma, logo de constatarse que esa era a única posibilidade de futuro.
Sen embargo,a actual propiedade da empresa está a facer inviable, polo de agora, o cambio de titularidade na sociedade, logo de elevar de forma sorprendente, no último momento, as súas esixencias para deixar paso a un novo empresario. Esta situación desemboca nun concurso de acredores onde a Xunta de Galicia defenderá coa máxima intensidade os dereitos dos traballadores afectados a os de todos os galegos.
A intensa labor de mediación da Xunta de Galicia permitiu localizar a catro grupos, con plans económicos e financeiros solventes, interesados en Alfageme: unha empresa galega do sector conserveiro, dous grupos conserveiros españois (non galegos), e un grupo de investidores galegos apoiado por un fondo de investimentos. Os candidatos coinciden en rexeitar a permanencia do accionista maioritario e en respectar as liñas básicas, tanto industriais como financeiras, do plan de viabilidade elaborado. Os candidatos tamén consideran imprescindible a segregación, segundo o plan de viabilidade, dos activos non vinculados á actividade futura da empresa e da débeda financeira.
Ata o momento, a Xunta de Galicia está a mobilizar todos os medios, recursos e esforzos posibles para procurar achegar unha solución de viabilidade para a conserveira Alfageme, para procurar que poida manter a súa actividade e a maior parte do seu cadro de persoal. O obxectivo segue a ser o de garantir a viabilidade futura da compañÃa e o mantemento dos postos de traballo. Para acadar ese obxectivo, resulta imprescindible un cambio de propiedade e xestión, da man dun novo socio novo socio coa solvencia de xestión e financeira para un proxecto industrial como este.
EuroPCom, a Conferencia Europea de Comunicación Pública, é a maior reunión anual de expertos en comunicación pública de Europa organizada polo Comité Europeo das Rexións en colaboración coa Comisión Europea, o Parlamento Europeo, o Consello, o Banco Europeo de Investimentos, o Comité Económico e Social Europeo e a Organización para a Cooperación e o Desenvolvemento Económicos. O evento ofrece unha plataforma para explorar as últimas tendencias, iniciativas e ideas no ámbito da comunicación pública. O director xeral de Relacións Exteriores e coa Unión Europea, Jesús Gamallo, participou nesta Conferencia organizada polo Comité Europeo das Rexións, e celebrada baixo o lema 'Máis alá das palabras. Unha historia de confianza'.
O Diario Oficial de Galicia publica hoxe a declaración de Ben de Interese Cultural da Rapa das Bestas de Sabucedo por considerar acreditado o seu valor sobranceiro como patrimonio inmaterial do pobo galego, ao tratarse dunha das festas máis antigas de Galicia que conta, como mÃnimo, con tres séculos de historia. Este recoñecemento supón a aplicación de inmediato do réxime de tutela da Lei de Patrimonio Cultural e, polo tanto, o maior nivel de protección. Esta distinción, que se suma á de Festa de Interese TurÃstico Internacional acadada en 2007, chega tras o visto e prace a este decreto por parte do Consello da Xunta este pasado luns, 30 de xullo, e logo de completarse o expediente administrativo, no que constan os dous informes preceptivos dos órganos consultivos favorables.
