jueves, 13 de agosto de 2026
Previsel, Salón da Prevención e Seguridade Laboral, celebra a súa quinta edición entre os días 12 e 13 de maio consolidada como unha cita imprescindible para todos os axentes sociais involucrados na prevención. Celebrarase por primeira vez de xeito independente e, para reforzar o seu carácter profesional e unir os esforzos de Administración, Patronal e Sindicatos no fomento da cultura preventiva entre empresarios e traballadores, terá lugar durante días laborais, isto mércores e xoves.
Para planificar as actividades que se levarán a cabo nesta cita Previsel conta cun comité asesor no que se atopan representados entidades públicas e privadas, sindicatos e servizos de prevención. A primeira reunión deste comité serviu para perfilar as actividades que terán lugar nesta quinta edición de Previsel, un salón que Expourense organiza de forma conxunta coa Confederación Empresarial de Ourense (CEO) e contando co firme apoio da Dirección Xeral de Relacións Laborais da Consellería de Traballo e Benestar e do Instituto de Seguridade e Saúde Laboral de Galicia (ISSGA), un organismo autónomo integrado pola Administración Autonómica e por axentes sociais e empresariais.
Previsel volverá contar cun completo programa de conferencias e obradoiros organizados polas entidades integradas no comité asesor e que abordarán temas como os riscos eléctricos, no sector da metalurxia e na construción e analizaranse ademais os custos da non prevención. Nesta reunión tamén se propuso a posibilidade de organizar unha mesa de traballo dirixida ás xestorías e aos traballadores das mutuas para unir os procedementos a seguir á hora de recibir un parte de accidente laboral.
Durante esta reunión decidiuse que sexa de novo preseinte do comité asesor de Previsel o presidente da Fundación Laboral da Construción de Galicia e Vicepresidente da Cámara de Comercio e Industria de Ourense, Eligio Nieto.
Previsel converterase nunha boa oportunidade para os profesionais do sector de intercambiar experiencias e actualizarse en canto ás novidades técnicas (equipamentos de protección, lexislación, bibliografía, etc.), pero o principal obxectivo deste salón é fomentar a cultura da prevención entre empresarios e traballadores e dar a coñecer as últimas novidades do sector aos técnicos en prevención das empresas galegas, ós estudantes de Formación Profesional, e ó público xeral, xa que non convén esquecer que a cultura preventiva é un tema que atinxe a todos os axentes da sociedade.
Previsel voltará converterse nun punto de encontro de provedores e distribuídores e nunha magnífica oportunidade para os profesionais do sector de intercambiar experiencias e actualizarse en canto ás novidades técnicas.Será ademais un escaparate onde a empresa que precise dun servizo de prevención terá a oportunidade de coñecer os últimos produtos e servizos puidendo asistir a demostracións prácticas dos mesmos.
Previsel é eminentemente un salón profesional. Pero non se pode esquecer que a prevención atinxe a todas as persoas que forman parte do mercado laboral polo que a formación é un compoñente básico no momento de incorporarse a un posto de traballo.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
