jueves, 13 de agosto de 2026
Os conselleiros do Medio Rural, Samuel Juárez, e de Mar, Rosa Quintana, asistiron á inauguración da Feira Alimentaria 2010, celebrada na Fira de Barcelona, acompañados pola directora xeral de Innovación e Industrias Agrarias e Forestais, Alejandra Álvarez de Mon, e mailo director xeral de Competitividade e Innovación, Juan Maneiro. Os Príncipes de Asturias e a ministra de Medio Ambiente e Medio Rural e Mariño, Elena Espinosa, foron os encargados de dar comezo a esta feira internacional que permanecerá aberta ata o vindeiro venres, 26 de marzo.
A Consellería do Medio Rural e maila de Mar quixeron estar presentes nun certame de tal calibre, apoiando ás máis de 50 empresas galegas que ofrecen produtos do sector do viño, do leite e da carne e ás preto de 40 ligadas ao sector mariño. Samuel Juárez percorreu os tres pavillóns onde as empresas galegas están a mostrar os seus produtos. Pola súa banda, Rosa Quintana, visitou as empresas galegas de acuicultura, pesca e produtos transformados do mar.
Primeira xornada
Unha visita por Intercarn abriu a feira, onde Ternera Gallega ten unha presenza importante, e onde o titular de Medio Rural non dubidou en intercambiar verbas cos empresarios e apoiar, deste xeito, a calidade e o recoñecemento dos produtos galegos de calidade.
Tras un cóctel inaugural ao cargo dos Príncipes de Asturias, os representantes da Xunta de Galicia fixeron un percorrido conxunto polo pavillón Intervin, onde a presenza das denominacións de orixe marcou este tramo. Ademais das D.O. Rías Baixas, Ribeiro, Monterrei, Valdeorras e Ribeira Sacra, os Augardentes de Galicia deleitaron aos asistentes coa mostra de diversos orujos.
Ambos conselleiros amosaron o seu apoio ás empresas galegas visitando tamén as 33 empresas coexpositoras no stand de produtos do mar da Xunta de Galicia. Así, Rosa Quintana e Samuel Juárez, tiveron ocasión de falar cos representantes destas empresas, que lles amosaron a calidade da materia prima do mar galego tanto ao natural coma en conserva ou procesada.
Juárez salientou a importancia de estar presentes en Alimentaria como xeito de busca de novos nichos de mercado nos que as empresas galegas poidan colocar as súas mercancías. Rosa Quintana, pola súa banda, salientou que nada mellor que Alimentaria porque é o mellor escaparate internacional para amosar aos demais en que somos pioneiros ao tempo que aprendemos do que fan os demais.
Ambos conselleiros asinarán no Libro de Honra da FIRA e asistirán ao Consello Consultivo de Agricultura e Pesca, no que se abordarán temas de actualidade que afectan aos sectores rural e mariño.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
