sábado, 5 de julio de 2025
A Escola Galega de Administración Pública (EGAP) celebrou unha Xornada sobre Estrutura e contido da memoria da análise do impacto normativo para a defensa da competencia. Pablo Figueroa, director da EGAP resaltou na inauguración das xornadas, que aos poderes públicos xestores da normativa en materia de liberdade de empresa incúmbelles facer normas que garantan ao mercado coma instrumento que distribúe de forma mais eficiente os recursos dos que dispón a comunidade. Para elo, os poderes públicos na súa actividade normativa deberán velar polo impacto que as normas producen no mercado, e conseguer que as políticas publicas teñan o menor impacto posible na libre competencia.
As xornadas comezaron cun relatorio pronunciado por Luis Berenguer Fuster, Presidente da Comisión Nacional da Competencia, que falou sobre a promoción da competencia e Administracións Públicas, facendo especial referencia ás actuacións de promoción da competencia, aos estudos e guías elaboradas para unha regulación mais eficiente da competencia coma un dos procesos básicos para o desenvolvemento económico de calqueira sociedade, xa que contribúe a incrementar a eficiencia do sistema produtivo, que se traslada aos consumidores en forma de menores prezos ou aumento da cantidade, calidade e variedade dos produtos. Para axudar nesta tarefa, a comisión nacional da competencia publicou unha Guía para a elaboración de memorias de competencia dos proxectos normativos.
De seguido, interveu Ana Isabel Moreno Muela, vocal primeira do Consello de Defensa da Competencia de Andalucía, que disertou sobre a Regulación e competencia en Andalucía. Salientou que seguindo a normativa andaluza, a súa Axencia da Defensa da Competencia debe informar con carácter preceptivo os anteproxectos de lei e proxectos de regulamento que incidan na libre competencia, co obxetivo de protexer os intereses xerais, dos consumidores e usuarios, e para favorecer o desenvolvemento socioeconómico da comunidade. A Axencia Andaluza fixa os criterios para determinar os supostos nos que un proxecto normativo pode incidir na libre competencia.
EuroPCom, a Conferencia Europea de Comunicación Pública, é a maior reunión anual de expertos en comunicación pública de Europa organizada polo Comité Europeo das Rexións en colaboración coa Comisión Europea, o Parlamento Europeo, o Consello, o Banco Europeo de Investimentos, o Comité Económico e Social Europeo e a Organización para a Cooperación e o Desenvolvemento Económicos. O evento ofrece unha plataforma para explorar as últimas tendencias, iniciativas e ideas no ámbito da comunicación pública. O director xeral de Relacións Exteriores e coa Unión Europea, Jesús Gamallo, participou nesta Conferencia organizada polo Comité Europeo das Rexións, e celebrada baixo o lema 'Máis alá das palabras. Unha historia de confianza'.
O Diario Oficial de Galicia publica hoxe a declaración de Ben de Interese Cultural da Rapa das Bestas de Sabucedo por considerar acreditado o seu valor sobranceiro como patrimonio inmaterial do pobo galego, ao tratarse dunha das festas máis antigas de Galicia que conta, como mínimo, con tres séculos de historia. Este recoñecemento supón a aplicación de inmediato do réxime de tutela da Lei de Patrimonio Cultural e, polo tanto, o maior nivel de protección. Esta distinción, que se suma á de Festa de Interese Turístico Internacional acadada en 2007, chega tras o visto e prace a este decreto por parte do Consello da Xunta este pasado luns, 30 de xullo, e logo de completarse o expediente administrativo, no que constan os dous informes preceptivos dos órganos consultivos favorables.
