miércoles, 22 de abril de 2026
A Secretaría Xeral para o Deporte volverá apoiar este ano a Liga Galega de Traíñas, tal como anunciou o máximo responsable deste departamento no transcurso da recepción que realizou á anterior xunta directiva da Asociación Noroeste de Traíñas e aos seus novos dirixentes.
José Ramón Lete quixo agradecer o labor que durante o ano 2009 realizou a xunta directiva que presidiu Juan Ramón Outeda, que no acto estivo acompañado polos novos responsables da Asociación Noroeste de Traíñas que esta tempada recibirá 130.000 en concepto de patrocinio para a disputa de Liga Galega Masculina e Feminina.
Un patrocinio que confirma o apoio que desde a Xunta de Galicia estase facendo ao remo en xeral e en particular ás traíñas. Unha das primeiras decisións de José Ramón Lete cando accedeu ao seu posto en maio do ano pasado foi asinar o patrocinio desta competición, que se ampliou coa posta en marcha da liga feminina.
A Xunta de Galicia mantén a mesma cantidade que o pasado ano realizando un importante esforzo porque somos conscientes da transcendencia dunha competición que é vital para o remo galego, explicou o secretario xeral para o Deporte que eloxiou a edición de 2009, que foi un rotundo éxito.
A Liga Galega de Traíñas é unha referencia dentro do remo de banco fixo a nivel nacional e converteuse nunha competición cunha elevada calidade e cuxas regatas son seguidas por numeroso público. O pasado ano a programación viuse reforzada coa posta en marcha da categoría feminina.
Estase a celebrar a Asemblea Xeral anual de NECSTouR, a rede de rexións europeas centrada en promover o turismo sostible e competitivo. A xuntanza que se desenvolve baixo o lema 'Turismo e cultura: da creación ao legado -construíndo territorios resilentes e conectados' ten lugar estes días en Bourges, no Val de Loira (Francia), e no marco da mesma, a entidade vén de acordar a celebración da vindeira cita anual en Galicia coincidindo co Xacobeo 2027. En NECSTouR están representadas un total de 44 rexións europeas e 32 organizacións académicas, asociacións e redes de empresas de turismo sostible, que representan a 19 países europeos.
Alfonso Rueda anunciou que Galicia será a primeira comunidade que regule os exames virtuais para o ensino público non universitario. Esta regulación para a 'educación do futuro', que se encadra na futura Lei de educación dixital, contempla o emprego de 'sistemas biométricos que garantan a autenticidade dos resultados' no caso de probas a distancia sen supervisión docente. Neste sentido, cómpre lembrar que esta Lei incorporará outras medidas destinadas a responder os retos presentes e futuros da educación, como que a comunicación entre profesores e familias se produza só a través de Abalar, a prohibición de gravar clases sen autorización, ou a regulación do uso da intelixencia artificial ou do móbil nas aulas.
