jueves, 13 de agosto de 2026
Nun ambiente cordial e distendido, tivo lugar na Fundación de Exposicións e Congresos de A Estrada unha xuntanza entre as directivas de ACOE e da propia Fundación para ultimar detalles organizativos do que será a edición conxunta da XXXI Feira de Antigüidades e Cousas Curiosas e IV Feira de Oportunidades, a celebrar no recinto feiral estradense os próximos días 5, 6 e 7 de marzo do presente ano.
Igualmente realizouse un estudo conxunto de temas relacionados coa publicidade, deseño da imaxe do evento, cartelería, etc...
Tendo en conta as boas relacións existentes entre ambas directivas, o obxectivo común que se pretende é canalizar un maior número de visitantes que xunto cos visitantes fieis cos que conta cada evento por separado, otorgaría maior pulo e diversidade o que redundará nun meirande volumen de negocio para as firmas expositoras e de atractivo para o público visitante.
Preto de tres mil metros de espacio expositivo e entorno a medio cento de expositores (nunha primeira estimación), farán as delicias do público asistente. O horario en que o recinto abrirá ao público é o habitual, de dez da mañán a oito da tarde, ininterrumpidamente. Existirá tamén un espazo de lecer para os cativos dotado de hinchables.
Unha nova oportunidade na que se presentará un elenco variado de obxectos: Decoración, calzado, textil, papelería, artesanía, antigüidades, selos, monedas, porcelana, libros, cadros, reloxios, obxectos en prata e ouro, mobiliario diverso, apeiros de labranza, etc...
Un espazo poliédrico onde se dan cita o pasado e o presente para seducir novamente a todos os visitantes tanto por calidade como por prezo.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
