sábado, 7 de noviembre de 2026
A ConsellerÃa de Traballo e Benestar inicia as reunións da comisión bilateral Galicia-Estado, acordada o pasado 19 de novembro na reunión que mantiveron a titular do departamento autonómico, Beatriz Mato, e o ministro de Traballo e Inmigración, Celestino Corbacho.
Na xuntanza participan o director xeral de Relacións Laborais, Odilo Martiñá; o director xeral de Promoción do Emprego, Andrés Hermida, e a secretaria xeral de Emprego, Maravillas Rojo.
Esta comisión bilateral ten como obxectivo abordar actuacións de cara a mellorar e activar máis polÃticas de emprego en Galicia durante o ano 2010 e compensar, na medida do posible, a eliminación por parte do Goberno central do Plan Integral de Emprego de Galicia (PIEG), que rematou o pasado 31 de decembro.
Precisamente, na reunión do mes de novembro, Mato manifestou o seu malestar por este motivo e solicitou, de novo, ao Ministro a continuidade do PIEG na Comunidade galega. De feito, o propio presidente da Xunta, Alberto Núñez Feijóo, xa tiña solicitado este Plan ao presidente do Goberno na súa primeira reunión tras a súa toma de posesión. Polo tanto, e ante a eliminación do Plan, decidiuse a creación da comisión bilateral para traballar en polÃticas de emprego para Galicia.
AsÃ, no encontro avanzarase no establecemento de programas de mellora da empregabilidade de traballadores galegos, e tamén se abordará un posible financiamento adicional por parte do Servizo Público de Emprego Estatal das medidas que se poñan en marcha.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas pelÃculas. Coa proxección de El pisito, de Marco Ferreri, comeza esta mesma tarde a ConsellerÃa de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardÃn de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
