jueves, 13 de agosto de 2026
Caixa Galicia publica nos medios de comunicación un anuncio polo que fai público o acordo para renovar mediante designación por sorteo os membros do Consello Xeral de Caixa Galicia representantes dos clientes impositores desta Caixa.
En pleno proceso de reestructuración do sector financeiro galego a XUNTA DE GALICIA non debe permitir que se cambie a composición dos órganos de goberno hasta que quede definitivamente configurado o futuro inmediato das Caixas Galegas, máxime tendo en conta as promesas electorais de tódolos partidos políticos galegos de reformar a lexislación autonómica para facer unhas Caixas máis transparentes, modernas, profesionais e con órganos de goberno elixidos democraticamente.
A elección mediante sorteo dos representantes dos consumidores e totalmente ineficaz para protexer os seus dereitos como se ten demostrado nos últimos tempos nas actuacións de Caixa Galicia contra diversos colectivos de usuarios galegos: o incremento inxustificado e xeneralizado das comisións bancarias más habituais (de mantemento de contas, tarxetas) neste último ano, a colocación das sucesivas emisións de participacións preferentes sen adecuarse ao perfil do investidor, a non amortización das preferentes colocadas fai máis de cinco anos, ou a non cancelación dos produtos derivados tóxicos de intercambio de tipos en relación a hipotecas.
ADICAE GALICIA tense pronunciado a favor da fusión das Caixas Galegas se ven precedida ou acompañada de cambios na lexislación autonómica de Caixas que permitan unha mellora na transparencia, na eficacia e na profesionalización da súa xestión, desbotando intereses meramente localistas ou partidistas, cunha orientación verdadeiramente social que pasa por garantir unha verdadeira representación dos consumidores nos órganos de goberno con sistemas de elección democráticos para poder velar eficazmente polos seus intereses.
ADICAE GALICIA avoga por fórmulas de reestructuración das Caixas Galegas que permitan botar man das axudas públicas do FROB para destinalas a mellorar a saúde financeira das Caixas Galegas de forma que de agora en diante non precisen ir contra os intereses dos consumidores para poder sanear a súas contas.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
