sábado, 7 de noviembre de 2026
O conselleiro do Medio Rural, Samuel Juárez Casado, presidiu a xuntanza do Consello Agrario Galego, órgano de participación, asesoramento, diálogo e consulta da Administración Galega en materia agraria e de desenvolvemento rural, no que están integrados, ademais dos responsables de diversos departamentos da Xunta, as organizacións agrarias máis representativas.
Nesta reunión revisouse e actualizouse o documento de traballo sobre o Plan Estratéxico para o sector lácteo. Este plan analiza en primeiro lugar a situación actual do sector, para propoñer despois unha serie de liñas de actuación, tanto a curto prazo (medidas de choque), como a medio e longo prazo (medidas estratéxicas). Todas elas medidas a desenvolver, unhas polo sector e outras coa colaboración da administración. A medio e longo prazo propóñense tres liñas básicas de actuación: mellora da competitividade das explotacións; mellora da competitividade da industria láctea, e regulación dos mercados. Destaca tamén a importancia da diferenciación dos produtos galegos.
Decreto de taxa láctea
Na reunión, que tivo lugar na sede da Sociedade para o Desenvolvemento Comarcal de Galicia, o Consello Agrario Galego abordou tamén o proxecto polo que se modifica o decreto que regula en Galicia a aplicación do réxime da taxa láctea, que supón unha flexibilización importante dos sistemas de retención a conta no caso de sobrepasamento e nos axustes da materia graxa realmente producida en comparación coa constatada na cantidade de referencia de que dispón cada produtor. Este decreto, que reunifica e traspón a normativa estatal, é consecuencia da actual situación do réxime de taxa, derivado do non sobrepasamento en campañas pretéritas asà como das recentes ampliacións de cota.
A orde do dÃa desta sesión completouse, entre outras cuestións, co estudo doutro proxecto de decreto polo que se regulan os órganos competentes para a imposición de sancións en materia de agricultura, ganderÃa e conservación da fauna silvestre nos Parques Zoolóxicos, asà coma o procedemento aplicable para o exercicio da potestade sancionadora nesas materias e nas de desenvolvemento rural, industrias agrarias, montes e conservación da natureza.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas pelÃculas. Coa proxección de El pisito, de Marco Ferreri, comeza esta mesma tarde a ConsellerÃa de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardÃn de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
