lunes, 7 de julio de 2025
A delegada territorial da Xunta en Lugo, Raquel Arias, subliñou a determinante influencia do deporte na educación dos rapaces e rapazas como medio para adquirir hábitos de vida saudables e interiorizar valores importantes para o seu crecemento persoal.
Raquel Arias realizou estas declaracións durante o acto de presentación do programa de actividades do club de baloncesto Porta XI Ensino, que inclúe citas puramente deportivas pero tamén outras de carácter lúdico, como as excursións para nenos e nenas vinculados ao equipo ou unha competición na que poderán participar as mulleres afeccionadas que o desexen.
A delegada aplaudiu o labor que está a desenvolver o club “en favor da canteira”, e que nos últimos anos deu os seus froitos posto que a primeira plantilla “atópase na antesala da elite”, disputando a Liga Femenina 2.
Explicou que “a grandeza do equipo está no seu traballo de base, con 23 equipos de 300 rapazas, e tamén algún rapaz nas categorÃas iniciais, que levan o nome deste club”, e que estende a práctica do baloncesto entre os nenos e nenas da capital e do resto da provincia, mediante colaboracións con outros equipos.
à marxe dos éxitos deportivos logrados polo club, Arias quixo destacar que o equipo é “un exemplo de traballo” e “unha escola de vida” para os pequenos. “Non dubidedes en continuar por esta senda, na procura dun equipo que quizá encha de apelidos lucenses a primeira plantilla, pero que, sobre todo, asentarase como unha escola vital para as rapazas de Lugo”, afirmou.
EuroPCom, a Conferencia Europea de Comunicación Pública, é a maior reunión anual de expertos en comunicación pública de Europa organizada polo Comité Europeo das Rexións en colaboración coa Comisión Europea, o Parlamento Europeo, o Consello, o Banco Europeo de Investimentos, o Comité Económico e Social Europeo e a Organización para a Cooperación e o Desenvolvemento Económicos. O evento ofrece unha plataforma para explorar as últimas tendencias, iniciativas e ideas no ámbito da comunicación pública. O director xeral de Relacións Exteriores e coa Unión Europea, Jesús Gamallo, participou nesta Conferencia organizada polo Comité Europeo das Rexións, e celebrada baixo o lema 'Máis alá das palabras. Unha historia de confianza'.
O Diario Oficial de Galicia publica hoxe a declaración de Ben de Interese Cultural da Rapa das Bestas de Sabucedo por considerar acreditado o seu valor sobranceiro como patrimonio inmaterial do pobo galego, ao tratarse dunha das festas máis antigas de Galicia que conta, como mÃnimo, con tres séculos de historia. Este recoñecemento supón a aplicación de inmediato do réxime de tutela da Lei de Patrimonio Cultural e, polo tanto, o maior nivel de protección. Esta distinción, que se suma á de Festa de Interese TurÃstico Internacional acadada en 2007, chega tras o visto e prace a este decreto por parte do Consello da Xunta este pasado luns, 30 de xullo, e logo de completarse o expediente administrativo, no que constan os dous informes preceptivos dos órganos consultivos favorables.
