miércoles, 4 de noviembre de 2026
A consellería do Mar, representada polo Director Xeral de Competitividade e Innovación Tecnolóxica, Juan Carlos Maneiro promociona os productos da pesca e da acuicultura, en especial a conserva e o conxelado na Feira ANUGA, que se está a celebrar en Colonia, Alemaña, dende o sábado 10 de outubro e ata o 14.
O stand da Consellería do Mar abarca unha superficie de 157,50 metros cadrados e está formado por coexpositores de 10 empresas diferentes. Trátase dunha das feiras máis grandes do mundo dedicadas ao sector das bebidas e da alimentación. Na súa 30 edición, este evento bienal, acolle 10 feiras especializadas en diferentes ámbitos do campo da alimentación baixo un mesmo teito.
O posto da Xunta de Galicia engloba a empresas do ámbito da conserva e do conxelado como son ANFACO, C&M EXPORT-COFIMAR, Calvo Congelados, Consello Regulador do Mexillón de Galicia, Conservas Antonio Alonso, Conservas Antonio Pérez Lafuente, Hijos de Carlos Albo, Ignacio González Montes, Industrias Cerdeimar e ORBE.
A citada feira acolle 6.607 expositores que proveñen de 95 países diferentes. O orzamento que dedica a esta feira a Xunta de Galicia, a través da Consellería do Mar, ascende a 187.000 euros.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
