miércoles, 4 de noviembre de 2026
O Instituto Tecnolóxico para o Control do Medio Mariño (Intecmar) recibiu a visita de importadores franceses de mexillón, interesados en coñecer persoalmente o rigor do seguimento e control medioambiental e técnico-sanitario dos produtos do mar, que se fai na nosa Comunidade Autónoma, como garantÃa da calidade e salubridade dos nosos mariscos e, concretamente, do mexillón.
O centro dependente da ConsellerÃa do Mar recibirá -ata dÃa 21 de setembro- cinco visitas distintas. Deste xeito, o venres dÃa 11, técnicos do laboratorio Nacional de Referencia en biotoxinas de RomanÃa achegaranse ao Intecmar para coñecer o sistema de control do fitoplancto tóxico e de biotoxinasen moluscos aplicado en Galicia, e manterán unha xuntanza técnica cos seus responsables.
Diversas autoridades pesqueiras de distintos paÃses centroamericanos –entre os que se atopan os ministros de Costa Rica, Belize e Panamá- e diferentes representantes do seu sector pesqueiro mostraron tamén o interese por coñecer o Intecmar e o seu programa de control. Aproveitando a súa presenza en Galicia, con motivo da celebración da Feira Mundial de Pesca, achegáranse ás instalacións o vindeiro dÃa 14.
As visitas ao centro continuarán o xoves dÃa 17. Dous técnicos da Axencia de Desenvolvemento Económico do Goberno de Chile (CORFO), que traballan estreitamente co seu sector mexilloeiro, coñecerán as liñas de investigación do centro e o seu rol no coñecemento e control das mareas vermellas, e intercambiarán coñecementos sobre a evolución deste tipo de industria no seu paÃs.
Por outra banda, e como cada ano, o Intecmar acollerá o curso organizado pola Comisión Oceanográfica intergubernamental (COI) da Unesco, a Axencia Española de Cooperación Internacional e Desenvolvemento (AECID) e o Instituto Español de OceanografÃa (IEO), por medio do seu Centro Oceanográfico de Vigo. O curso versará sobre os programas de seguimento de biotoxinas mariñas, segundo a regulamentación europea, e está integrado por técnicos africanos e latinoamericanos, con experiencia nos análises de biotoxinas mariñas. O dÃa 21 o curso impartirase no Intecmar. Tras cinco horas lectivas, os asistentes ao curso farán un percorrido polas instalacións.
O Intecmar continúa, deste xeito, a ser punto de visita recorrente para quen se quere achegar aos labores de control ambiental do medio mariño, ben sexa na procura de complementos didácticos; para comprobar o grao de calidade e seguridade alimentaria que ofrece o programa de control da calidade ambiental das augas costeiras implantado en Galicia -no que se refiere ás condicións oceanográficas, fitoplancton, bioxeoquÃmica mariña, biotoxinas mariñas, contaminación quÃmica, microbiologÃa e patoloxÃa- ou para coñecer as vantaxes comparativas deste sistema, con vistas á súa aplicación noutras áreas litorais.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os dÃas 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
