miércoles, 10 de junio de 2026
O Delegado da Xunta de Galicia en Buenos Aires, Alejandro López Dobarro, celebrou a publicación da obra que recolle a biografía de Benito Blanco e trasladou á autora e ao empresario homenaxeado a gratitude de Galicia pola realización desta obra.
López Dobarro participou na presentación do libro De Lalín a Buenos Aires, Benito Blanco, un galego emprendedor, escrito por Mariana Vicat e que recolle a biografía deste emigrante galego a Arxentina.
Entre o numeroso público asistente ao evento, celebrado no Centro Lalín, Agolada e Silleda de Buenos Aires, tamén participaron o xerente da Fundación Galicia Emigración, Xosé Manuel Castelao Bragaña, e o debuxante da tira arxentina Súper Hijitus Manuel García Ferre, que gabaron os esforzos realizados por Blanco na súa andaina laboral e destacaron a cualidade humana do que consideraron un amigo.
Benito Blanco naceu no municipio de Lalín e aos vinte anos emigrou a Buenos Aires onde comezou a súa carreira empresarial no eido da restauración e prosperou nos negocios mineiros, petroleiros, químicos e da alimentación. En 1983 foi distinguido coa designación de Fillo Predilecto de Lalín e na actualidade é recoñecido nas dúas beiras do atlántico pola súa traxectoria persoal e profesional.
Edición limitada e a beneficio de Unicef
Os beneficios obtidos pola comercialización desta obra serán doados a UNICEF para a realización de obras benéficas destinadas á nenez. O volume, publicado por Abey Edicións, conta con 192 páxinas a toda cor na que se inclúen con variadas fotografías.
Trátase dunha edición numerada e limitada de 1.000 exemplares que xa foi presentada hai uns días no propio municipio de Lalín e na Deputación de Pontevedra.
Tivo lugar a xornada 'Deputados por un día', na que os escolares galegos levaron ao hemiciclo as súas propostas para mellorar a sociedade. Os catro representantes dos colexios, un por provincia, compartiron na Cámara as súas reflexións sobre a convivencia, o tema arredor do que xira este curso o programa educativo Abraza tus valores, e a relación dos menores coas tecnoloxías. Participaron máis de 8.300 escolares de entre 4 e 12 anos de 83 centros públicos, concertados e privados de Galicia (Arquitecto Casas Novoa de Santiago, o CEIP Plurilingüe A Gándara, de Monforte de Lemos, o CEIP Plurilingüe Irmáns Villar, de Ourense e o CEIP Plurilingüe de Cerdeiriñas, de Piloño).
A actividade levada a cabo pola Axencia de Protección da Legalidade Urbanística (APLU) para protexer o medio ambiente e o patrimonio natural e paisaxístico galego permitiu o pasado ano a reposición da legalidade en 121 actuacións en toda Galicia. Estas reposicións foron resultado do labor do equipo inspector do organismo adscrito á Consellería de Vivenda e Planificación de Infraestruturas, e repartíronse principalmente na provincia de Pontevedra, con 60 actuacións, seguida da Coruña con 30, Lugo con 21 e Ourense con 10.
