sábado, 8 de agosto de 2026
O voceiro do Grupo Popular, Manuel Ruiz Rivas, indicou, nunca entrevista no programa Bos Días da TVG, que os primeiros cen días do goberno do PPdeG na Xunta de Galicia amosaron á cidadanía as liñas mestras a seguir nesta lexislatura baseadas na austeridade, dando exemplo cos gastos, a transparencia e a eficacia nas súas actuacións. Para Ruiz Rivas esta nova forma de gobernar estivo basada no diálogo coas forzas políticas nos temas vitais para Galicia, como a financiación autonómica e as infraestruturas, e mesmo a Deputación Permanente do Parlamento aprobou por primeira vez na historia a celebración dun pleno extraordinario para que compareza o Presidente da Xunta en período estival.
Para o voceiro popular os resultados destes primeiros días de goberno foron os mais frutíferos da historia de Galicia xa que se fixou o compromiso de prazos e datas para as infraestruturas ferroviarias galegas, firmouse o convenio con vivenda e se aprobou un plan de choque económico con axudas a sectores en crise, como o da automoción e o lácteo.
REFORMA ESTATUTO
Na mesma entrevista o voceiro popular celebrou que o PSOE mudara de opinión ao respecto da reforma do Estatuto xa que na anterior lexislatura foi precisamente as súas ataduras a outro partido político o que non lles permitiu defender os intereses dos galegos que lles deron o voto. Ruiz Rivas reiterou o compromiso do Goberno galego de presentar un texto e considerou que non tería que significar un problema as conversas encamiñadas a comezar a reforma.
Ao respecto da financiación autonómica o voceiro popular destacou as vantaxes que conseguiu o goberno do PPdeG na Xunta de Galicia xa que dende que accedeu ao Goberno logrou incorporar 200 millóns adicionais dos que estaban previstos anteriormente dando como resultado unha cifra aproximada de 650 millóns de euros. A pesares desto para Ruiz Rivas o sistema e inxusto para Galicia pero se conseguiu que non fora excesivamente abusivo para Galicia tendo en conta o factor da dispersión poboacional.
O voceiro popular recordou que o fallo de base na negociación do sistema de financiación foi que a prioridade para o Goberno do Estado era a estabilidade política por eso comezou por negociar cunha Comunidade e unha vez chegado a un acordo negociou coas outras e o que ten mais vai a estar por encima da media
PLAN ESTRATÉXICO SECTOR LÁCTEO
Manuel Ruiz Rivas referiuse tamén no transcurso da entrevista, ao sector lácteo do que destacou que en pouco tempo se ten feito moito por un sector que é básico para Galicia e que non só afecta á Comunidade Autónoma senón que é un problema a nivel estatal e europeo. Para o voceiro o Goberno galego estivo ao lado dos gandeiros na presión ante o Goberno central e se logrou un importante acordo de estabilidade nos prezos. Tamén anunciou que moi pronto a Xunta dará a coñecer un plan estratéxico de choque para reactivar e consolidar o sector lácteo despois de ter aprobada a medida sobre o adianto das primas, que foi copiada por outras Comunidades.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
