jueves, 13 de agosto de 2026
A Consellería de Traballo e Benestar, que dirixe Beatriz Mato, recibirá máis de 243 millóns de euros en materia de políticas activas de emprego no ano 2010. Trátase dunha proposta que reflicte un incremento dun total de 4,1 millóns de euros con respecto ao recibido este ano.
O departamento autonómico lamentou, desta maneira, a falta de rigor e desinformación que amosou o portavoz de Emprego do PSdeG, José Tomé.
Neste senso, a Consellería insistiu en que 243.177.987 euros é a cantidade que percibirá Galicia, a verdadeira cifra que se acordou na Conferencia Sectorial de Asuntos Laborais celebrada entre o Ministerio de Trabajo e as comunidades autónomas o pasado 23 de xuño.
Ademáis, a conselleira de Traballo e Benestar, Beatriz Mato, lembrou, en resposta ao PSOE, que hai comunidades autónomas que recibirán máis cartos que Galicia porque ou teñen máis número de parados ou estaban nunha clara desventaxa porcentual con respecto ao que perciben outras comunidades. Aínda así, o departamento autonómico resaltou que Galicia, xuntamente con Asturias, obterán o custo medio por desempregado sensiblemente máis alto á media nacional para todo o período 2010-2013
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
