jueves, 5 de noviembre de 2026
O sábado 25 de abril tiña lugar en Orio unha nova edición das Regatas Internacionais de Remo Olímpico, organizadas polo CRO Orio AE, disputándose as modalidades de oito con temoneiro (8+) masculinos modalidade raíña do remo olímpico- e catro Skull (4x) femininos e como novidade, una regata exhibición de Remo Adaptado en skiff (1x).
O Náutico de Vigo, que participaba con seu 8 máis temoneiro senior masculino, conseguía adxudicarse a regata avantaxando en medio segundo a Hondarribia, segundo clasificado da proba, mentres que o terceiro posto era para o Amposta catalán.
Os mil metros da regata foron un man a man moi igualado entre Náutico de Vigo e Hondarribia, decidíndose nas últimas estropadas.
As regatas eliminatorias e semifinais configuraran unha tanda final con vigueses, hondotiarras, máis Orio e os cataláns do Club Náutico Amposta. Galegos e vascos distinguíronse desde as primeiras paladas e brindaron ao público unha final emocionante, un duelo por todo o alto que suxería a revancha da Head of the River Race, onde os guipuzcoanos quedáronse a cinco segundos dos vigueses, os que separaron os postos 14 e 21. Orio e Amposta mantiveron o seu particular pugna pola terceira posición, na que os anfitrións tiveron que ceder.
Este novo éxito dos remeros do Náutico de Vigo súmase á medalla de bronce que o batel feminino do Club conseguía no Campionato de España de Bateles, celebrado recentemente en Santander.
CLASIFICACIÓNS (Oito senior masculino)
1. Náutico de Vigo 2:46.76
2. Hondarribia-Lurgoien 2:47.26
3. C.N. Amposta 2:52.96
4. Orio 2:55.84
5. Santurtzi 2:58.22
6. Koxtape 3:00.96
7. Club Náutico Viana 3:03.32
8. Molesey 3:07.08
9. C.N. Banyoles 3:12.14
10. G.C. Figueirense 3:17.88
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
