jueves, 13 de agosto de 2026
O conselleiro de Presidencia, Administracións Públicas e Xustiza en funcións e presidente da Fundación Semana Verde de Galicia, José Luis Méndez Romeu, asegurou que a actual Xunta lle deixa ao vindeiro Goberno unha situación “estabilizada”, “profesional” e “máis moderna” na Fundación Semana Verde. Asà o dixo esta tarde trala reunión do padroado coa que remata o traballo do actual Goberno na Fundación. Explicou que a Semana Verde queda coa “carteira de proxectos máis importante que en ningún dos exercicios anteriores”, ademais dunha vocación de situar o recinto feiral da Semana Verde como “referencia en Galicia no ámbito da promoción comercial”.
Méndez Romeu aproveitou esta comparecencia para facer balance e lembrar que a Fundación estaba nunha situación de blindaxe estatutaria que dificultou a modificación e innovación da mesma ata comezos do 2008. Neste sentido, o conselleiro en funcións subliñou que nun ano logrouse a modificación dos estatutos, introduciuse un “novo concepto de xestión cunha dirección xeral nova e de carácter profesional” e clarexouse o seu funcionamento e o ámbito de relacións entre os distintos patróns.
O conselleiro en funcións sinalou que “a Fundación tivo perdas acumuladas nos últimos anos por valor de 19 millóns de euros”, as cales foron imputadas ao seu capital fundacional. “Esta situación é a que terá que ser corrixida de acordo co plan de viabilidade”, o cal xa está redactado, segundo Méndez Romeu.
Débeda co Concello de Silleda
Doutra banda, o titular de Presidencia en funcións declarou que algúns dos problemas históricos da Fundación como as débedas tributarias co Concello de Silleda “xa están en vÃas de resolución a través dun convenio de compensación”, asinado o pasado mes de febreiro. Méndez Romeu lembrou que o Concello tamén tiña unha débeda coa Fundación de capital fundacional. “Estase camiñando nunha senda de profesionalidade, de transparencia, de adecuación á legalidade e de competitividade empresarial”, sinalou.
Contas da Fundación
No relativo ás contas da Fundación Semana Verde, dixo que serán aprobadas definitivamente “cando estea rematada a auditorÃa actualmente en curso”. Neste sentido, o conselleiro en funcións anunciou o acordo da sinatura dun crédito temporal para facilitar “o funcionamento cotián da fundación”. “É un crédito de 800.000 euros cunha duración de 6 meses precisamente para que sexa a nova Administración a que tome a decisión estratéxica de funcionamento para o futuro”, engadiu. Méndez Romeu explicou que se trata de que esta Administración “deixe pechados totalmente os traballos que lles corresponden á súa xestión”.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de EnerxÃas Renovables e Cambio Climático, Paula UrÃa. Tal e como explicou, o valor medio da temperatura máxima se situou en 29 graos, cunha anomalÃa positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, asà como persoas adestradoras ou técnicas, xuÃzas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuÃzas (16 mulleres e 13 homes) e 15 deportistas galegos de alto nivel vitalicios.
