sábado, 8 de agosto de 2026
Sara Vázquez, Isaac Guedes e o Club de Montaña Quixós de Monforte de Lemos foron os grandes triunfadores da segunda cita da VII Copa Galega de Promoción Slalom-2009, que se disputou en Ribadumia os días 28 e 29 de marzo. A proba, organizada polo Club Náutico O Muíño de Ribadumia e a Federación Galega de Piragüismo, contou con máis dun centenar de xoves piragüistas.
Sara Vázquez e Isaac Guedes conseguiron gañar as probas de K-1 e C-1 Infantil cunha gran exhibición; ademais, os resultados deixan patente a igualdade entre homes e mulleres, xa que Guedes só conseguiu quitar dous segundos a Vázquez no resultado final da proba de K-1. David Saco foi outro dos grandes protagonistas grazas aos seus tres podios da xornada, en C-1, K-1 e C-2 Infantil Masculino.
Desta volta, Sara Vázquez Fajín, do Club de Montaña Quixós de Monforte de Lemos, conseguiu imporse a María Souto, do Club Tea de Mondariz-Balneario, no K-1 Infantil Feminino. A monfortina demostrou o seu bo momento de forma remontando á de Mondariz no derradeiro sector. O terceiro caixón do podio quedou reservado para Uxía González, do Clube Piragüismo Val Miñor-Frioya, que repetiu a posición acadada a comezos de mes en Tomiño. As tres rapazas dan boa conta do gran nivel das palexeiras galegas.
En C-1 Infantil Feminino, Sara Vázquez Fajín non fallou e repetiu triunfo. Pola súa banda, María Souto conseguía o seu segundo segundo posto da xornada. A novidade no podio con respecto á proba de Tomiño poñíaa Alicia Alves, do Club Piragüismo Penedo de Caldelas, que foi terceira.
En C-1 Infantil Masculino, Isaac Guedes, do Club Augas Bravas de Salvaterra, arrebatou o primeiro caixón do podio a Miguel Varcárcel, do Club Deportivo Miño-Os Teixugos, que subira ao máis alto en Tomiño e que tivo que conformarse coa terceira praza. David Saco, do Club de Montaña Quixós de Monforte de Lemos, firmou unha nova segunda posición no C-1.
Isaac Guedes non se baixou do primeiro posto na proba de K-1 Infantil Masculino. O de Salvaterra volveu superar a David Saco e compartiu podio co seu compañeiro no Club Augas Bravas de Salvaterra Axel Afonso.
No C-2 Infantil Masculino, David Saco e Diego Vázquez, do Club de Montaña Quixós de Monforte de Lemos, lograron vencer por diante de Iván Marchante e José Antonio Núñez, do Club Piragüismo Penedo de Caldelas, segundos, e Andrés Saco e David Pérez, tamén do Quixós.
No C-2 Infantil Feminino, o primeiro posto foi para Alicia Alves e Nerea Alonso, do Club Piragüismo Penedo de Caldelas. Pilar Wibbelink e Uxía González, do Clube Piragüismo Val Miñor-Frioya, e Lucía Cabo e María Fernández, do Club de Montaña Quixós, foron segundas e terceiras respectivamente.
Manuel Ochoa, do Club Deportivo Miño-Os Teixugos, mostrou a súa superioridade no K-1 Alevín Masculino e gañou a proba por diante do seu compañeiro de equipo Brais Castro e Martín Quintán, do Club Deportivo Municipal de Piragüismo de Dumbría.
En C-1 Benxamín Feminino, o Club Deportivo Miño-Os Teixugos copou os tres postos do podio e presumiu de superioridade. Isabel Varcárcel adxudicouse de novo a proba. Marina Rueda e Bea Besada acompañárona no podio final.
Clara González, do Club Deportivo Miño-Os Teixugos, impúxose no K-1 Benxamín Feminino a Miriam Muíño, do Club Deportivo Municipal de Piragüismo de Dumbría, segunda, e á anterior gañadora Jasmine Díaz, de Quixós.
En C-1 Benxamín Masculino, Alberto Cotelo, do Clube Piragüismo Val Miñor-Frioya, repetiu victoria na proba. O segundo posto foi para Marco Patiño, dos Teixugos, e Jorge Vázquez ocupou a terceira posición.
Na clasificación por clubes, sen novidades. O Club de Piragüismo Montaña Quixós volveu imporse e sigue liderando a Copa. O Club Deportivo Miño-Os Teixugos de Goián foi segundo e mantense na segunda praza. O Club Deportivo Municipal de Piragüismo de Dumbría volveu pechar o podio e revalida a súa terceira praza na xeral.
O calendario da Copa Galega de Promoción Slalom-2009 constará de sete probas. Trala cita de Ribadumia chegarán as probas de Gondomar (25 de abril), Mondariz (23 de maio), O Rosal (6 de xuño), Dumbría (8 de agosto) e Monforte de Lemos (22 de agosto).
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
