martes, 21 de abril de 2026
Corenta anos de empresa proxectanse dende agora baixo unha nova marca empresarial. Con este nome de COMERCIAL DÍAZ Y VALIN, Elier Díaz Lamela lidera a traxectoria que comezou hai corenta anos, neste caso coa inauguración da nova se situada en Lugo, no Polígono Industrial do Ceao, Rúa do Comercio, 165.
A actividade principal, xa coñecida, vense a concretar na importación e distribución de maquinaria agrícola e de xardinería. A inauguración do centro comercial ten lugar o sábado, día 28 de marzo, ás 12, 30 da mañá.
En COMERCIAL DÍAZ Y VALÍN, S.L. veñense a aglutinar as exclusivas de más prestixio no sector agrícola, gandeiro e de xardinería, sendo as máis representativas, JOSKIN e MASCAR, xunto cos coñecidísimos produtos para a conservación do forraxe: plásticos de encintar SILOTITE e fío de empacar MIVA. Estas e outras marcas son as tradicionais exclusivas que, dende hai anos, Elier Día Lamela ven importando e distribuíndo.
O centro que se inaugura consta de exposición, distribución, importación e venda para toda España dunha ampla gama de máquinara agrícola, gandeira e de xardinería. COMERCIAL DÍAZ Y VALÍN é un novo paso adiante que, como asegura Elier Día Lamela, ven sendo un novo reto en tempos difícles.
Inspirada no Camiño da Traslatio, Saias do mar é un espectáculo de danza contemporánea que homenaxea a muller galega como forza ancestral ligada ao mar. A peza transforma o corpo nun territorio fluído e propón unha lectura coreográfica do feminino como memoria viva e indómita, depositaria dunha herdanza espiritual e simbólica, vencellada á ruta sagrada que trouxo o corpo do apóstolo Santiago por vía marítima ata estas terras. Juan Miguel Hernández é o autor da coreografía desta montaxe dirixida por Nerea Andrés, e ambos forman tamén parte do elenco xunto a Dayron Rodríguez, Irene Lorenzo, Laura Pereiras, Lucía Fontenla, Alba Fariña e Zoe Amor. A proposta, de 40 minutos de duración e pensada para poder executarse en todo tipo de espazos, complétase cunha selección musical de Rosa Cedrón, Daniel Minimalia e Luar na Lubre, vestiario de Santos Salgado e atrezzo de Elva Bernat.
O presidente da Xunta informou de que a Xunta vén de solicitar ao Goberno central 'que suspenda de inmediato a reforma do Regulamento de Costas' porque 'invade competencias exclusivas de Galicia e vulnera os dereitos dos titulares de concesións do litoral'. O Goberno autonómico lembra que, nos termos actualmente previstos, este regulamento non se adecuaría ás exixencias da Comisión Europea nin ao propio Dereito comunitario.
