Notas de prensa

Trofeo Curuxarallye, logo do II Rallye da Ulloa

Sobre o papel destacaba a presenza de Luis Miguel González (copiloto nas últimas tempadas) e a Eloy Pérez (monitor de conducción na PTC Escuela); pero neste deporte non valen de nada as previsións, xa que os treitos agochan sempre sorpresas. No día previo á carreira tódolos pilotos pasaban sen problemas as verificacións administrativas e técnicas, e todos reflexaban nervios e tensión contida xunto a unhas enormes ganas de que pasasen as horas e o reloxio marcase o momento de saír a correr. Carlos R. Guerreiro comezaba o día marcando scratch de Copa e Clase no primeiro tramo, a só 9 décimas do actual campión de Grupo N: Pablo Rey, a bordo este dun Suzuki Swift. Neste treito metíalle 9 segundos ó segundo clasificado da copa: Isaac Durán. Neste treito Eloy Pérez sufría unha saída dobrando o trapecio e desllantando unha roda nun lugar no que só había 2 afeccionados, coa perda de máis de 12 minutos nese treito. Na primeira pasada por Olveda (B1), Carlos R. Guerreiro repetía scratch, con pouco máis dun segundo de marxe con respecto a Isaac Durán. O resto de participantes estaban xa a máis de 20 e 30 segundos. Neste treito producíase o único abandono da Copa, o de Arturo Chao, ó penalizar demasiado tempo no treito e ser collido polo vehículo escoba.

Foi no segundo paso por Castelo de Pambre (A2) onde Isaac Durán comezou a atacar e recortar segundos (3 neste caso) con respecto a Carlos R. Guerreiro; deixando claro que a vitoria do Trofeo Curuxarallye ía ser unha loita entre estes dous participantes. O treito B2 (segunda pasada por Olveda) foi neutralizada por mor do forte accidente sufrido por Alberto Meira e Ã�lvaro Bañobre; polo que a situación chegou ó reagrupamento de mediodía do seguinte xeito: 1. Carlos Rubén Guerreiro (47º da xeral e 1º X11) 2. Isaac Durán: +7” 3. Luis Miguel Gonzálex: +2:20 4. Alberto Castro: +3:20 5. Eloy Pérez: +24:42 Arturo Chao (abandono) Despois da parada para xantar, os participantes dirixíronse cara o treito de Palas de Rei, neutralizado tralo forte accidente de Manuel Souto‐Ã�lex Cid. Debido ó retraso acumulado, o treito D1 (Monterroso) tamén foi neutralizado.

Así que atopamos os 5 pilotos na mesma posición do mediodía cando encaraban a segunda pasada por Palas de Rei (C2). Neste treito un conato de incendio na instalación obrigaba a deterse a Isaac Durán, perdendo este máis de seis minutos. Nese treito Carlos Rubén non se relaxaba, e volvía marcar scratch do Trofeo e Clase, cun 39º scratch. No último tramo, a pasada nocturna por Monterroso, o líder seguiu loitando pola vitoria de clase, marcando un 33º scratch. Isaac Durán, dado o problema sufrido no treito anterior, decidiu tomar con calma este treito e intentar rematar a proba. O mesmo sucedeu con Luis Miguel González, Alberto Castro e un Eloy Pérez, loitando cos danos que o seu vehículo sufriu no TC A1 e que lle obrigaron a facer este último treito en segunda velocidade. Ó final da carreira, o resultado foi o seguinte: 1. Carlos Rubén Guerreiro (1º X11, 36º da xeral) 2. Luis Miguel González (6º X11, 66º da xeral) 3.

Alberto Castro Rodríguez (11º da X12, 67º da xeral) 4. Isaac Durán Varela (7º X11, 68º da xeral) 5. Eloy Pérez Diéguez (14º da X12, 74º da xeral) ‐ Arturo Chao (abandono) Falan os protagonistas: Carlos Rubén Guerreiro, gañador: estou moi contento polo resultado. Non esperaba gañar o Trofeo e a clase no meu debut, xa que saímos á carreira coa idea de acabar.

Anque o resultado final non o reflexe, tivemos unha loita moi intensa con Isaac
Durán, que finalmente sufriu problemas. Ademais, a metade dun treito sufrimos
problemas na caixa de cambios perdendo a 5ª velocidade. Quixera adicarlle esta
vitoria no Trofeo Curuxarallye a Alberto Otero e a Desguaces Lual. Proxima carreira prevista: Rallye do Cocido Luis Miguel González, 2º: o certo é que desfrutei moito, anque o coche non ía moi ben. Sobre todo despois de perder o escape. Aí, ademais de perder potencia, costábame moito oír á copiloto. Nese momento decidín loitar por rematar. Proxima carreira prevista: Rallye do Cocido Alberto Castro, 3º: saímos á carreira coa única intención de rematar. Tomamos as cousas con calma para ir aprendendo e démonos conta de erros que cometemos na toma de notas. Agora sabemos que temos que anotar máis referencias para os treitos nocturnos. Proxima carreira prevista: Rallye do Cocido Isaac Durán, 4º: Desfrutei moito, estamos moi contentos, anque no treito C2
estragóusenos a loita que tiñamos con Carlos R. Guerreiro. Sufrimos un conato de
incendio na instalación eléctrica da rampa de faros polo que tivemos que parar no
treito. Despois démos rematado a carreira cos faros de serie e chegamos á meta, que
era o principal. Proxima carreira prevista: Rallye do Cocido Eloy Rodríguez, 5º: Sempre oín que era moi difícil rematar un rallye, pero ata hoxe non o puiden comprobar. Sufrimos un golpe no primeiro treito cronometrado e doblamos un trapecio. No lugar do golpe só había 2 persoas, polo que tardamos moito tempo en poñernos de novo en marcha. A partir de aí comezamos a sufrir moito dentro do coche, porque os problemas mecánicos íanse sucedendo. Tan é así, que a roda dianteira dereita blocaba sempre en frenadas fortes, e no último treito bloqueouse a dirección. Pero tiñamos claro que había que rematar, por iso fixemos este treito en segunda velocidade. Proxima carreira prevista: Rallye do Cocido Arturo Chao, abandono: no segundo treito rompeunos un amortecedor, e non demos reparado antes da chegada do coche escoba, polo que tivemos que entregar o carné de ruta e abandonar. Proxima carreira prevista: Rallye do Cocido.