viernes, 7 de agosto de 2026
A participación da Consellería de Pesca e Asuntos Marítimos na oitava edición da Mediterranean Seafood Exhibition (MSE) de Rimini (Italia), prevé pecharse na xornada de mañá, último día da feira, cun notable incremento no volume de contactos con distribuidores internacionais. A medio prazo isto pode significar unha maior apertura a novos mercados por parte do sector pesqueiro galego, que se atopa representado nesta feira cunha mostra de asociacións de produtores e empresas galegas vencelladas aos sectores acuícola, transformador e comercializador.
O director xeral de Estruturas e Mercados da Pesca, José Manuel López Rodríguez que seguiu de preto en reunions coas empresas coexpositoras galegas, a evolucion destes contactos calificou como especialmente interesante que nun escenario económico como o actual, o sector da pesca de Galicia incremente a súa actividade exportadora. O representante da Conselleria mantivo así mesmo diversas reunións institucionais con comunidades autonomas españolas presentes na feira, como a de Andalucia, na que se abordou a necesidade de xerar sinerxias entre os distintos sectores e territorios, para afrontar o actual debilitamento da economía.
José Manuel López Rodríguez tamén mantivo un encontro cos representantes do Consello Regulador da Denominación de Orixe Protexida Mexillón de Galicia, cos que falou do compromiso da Consellería de Pesca de impulsar a promocion dos produtos do mar galegos nos grandes de centros de negocios e nos grandes certames nacionais e internacionais do mundo da alimentación e dos recursos mariños.
A Consellería de Pesca e Asuntos Marítimos asiste á MSE de Rimini cun stand de 320 metros cadrados que, ademais de incluír a representación institucional, acolle 14 coexpositores de empresas e asociacións de produtores, que forman unha mostra tanto da industria transformadora e acuícola galega, como do sector pesqueiro e comercializador da nosa comunidade autónoma.
Viaxaron a Rimini, ao amparo do stand da Consellería de Pesca, representantes do sector mexilloeiro, conserveiro e acuícola, así como do conxelado e da comercialización en fresco. De feito, podemos destacar a presenza do Consello Regulador da Denominación de Orixe Protexida Mexillón de Galicia e da Asociación de Produtores de Rodaballo de Galicia (Aroga), como asociacións do sector acuícola, ademais de destacadas firmas galegas.
O expositor de Pesca acolle tamén diversas actividades co obxectivo primordial de promocionar os nosos produtos do mar entre os asistentes. Así, estanse a desenvolver degustacións de Mexillón de Galicia, o primeiro produto do mar de Europa que conta cunha Denominación de Orixe Protexida; de rodaballo de cultivo e de produtos da transformación. Ademais, estanse a promover encontros empresariais para facilitar as actividades comerciais das firmas galegas no exterior.
A Mediterranean Seafood Exhibition é unha feira alimentaria, especializada en tecnoloxía e produtos da pesca do Mediterráneo, que conta cunha superficie total empregable de 6.000 metros cadrados. Na edición pasada, o certame foi visitado por máis de 88.000 persoas e contou con 192 expositores de países como Dinamarca, Francia, Marrocos, Bélxica, Reino Unido, Irlanda, China, Hungría, Croacia, Polonia, Rumania, Lituania, Estados Unidos e España.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
