sábado, 8 de agosto de 2026
A directora xeral para o Deporte, Marta Souto, entregou a Javier Gómez Noya o trofeo que lle acredita coma vencedor da Copa do Mundo de Tríatlon 2008. O acto tivo lugar durante a presentación do Campionato de España de Tríatlon que terá lugar en Cangas en setembro.
A directora xeral para o Deporte, Marta Souto, entregou a Javier Gómez Noya o trofeo que lle acredita coma vencedor da Copa do Mundo de Tríatlon 2008. O acto tivo lugar durante a presentación do Campionato de España de Tríatlon que terá lugar en Cangas no mes de setembro, e ao que acudira o deportista galego sen coñecer a sorpresa que estaba preparada para el.
O representante da Federación Española, Felipe Gutiérrez, foi o encargado de dar a sorpresa ao pedirlle á directora xeral para o Deporte que fixera de mestra de cerimonias, ante a ledicia de Gómez Noya, quen non ocultou a súa emoción xa que posiblemente sexa o trunfo máis importante da miña carreira deportiva.
Campionato de España. Hoxe tivo lugar o acto de presentación do Campionato de España de Tríatlon elite, sub 23 e grupos de idade, que terá lugar os días 19 e 20 de setembro na vila de Cangas. Ao acto de presentación asistiron a directora xeral para o Deporte, Marta Souto; a alcaldesa de Cangas, Clara Millán; o triatleta galego Javier Gómez Noya; o presidente da Federación Galega de Tríatlon, Francisco Villanueva, e o director de competición da Federación Española de Tríatlon, Felipe Gutiérrez.
No acto de presentación o representante da Federación Española destacou o bo facer do tríatlon galego, tanto a nivel deportivo coma organizativo, como se pode ver tanto nos resultados acadados coma nas probas de altísimo nivel que se están a celebrar no noso país. No campionato de España de Tríatlon participarán uns 800 deportistas e desprazará en total a máis de 1.500 persoas, polo que é unha boa oportunidade para dar a coñecer Cangas, O Morrazo e Galicia no exterior. Así o destacou a directora xeral para o Deporte, Marta Souto, quen agradeceu a colaboración do Concello de Cangas e animou aos cangueses e galegos e galegas a formar parte deste grande espectáculo.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
