miércoles, 10 de junio de 2026
O alcalde de Ferrol, Vicente Irisarri, anunciou o acordo unánime de todos os grupos polÃticos municipais para que Ferrol presente, xunto ás localidades de Rochefort e Chatham, unha candidatura multinacional de cara a conseguir a declaración de Patrimonio da Humanidade. Deste xeito, tal e como informou o primeiro edil logo de presidir esta mañá a Xunta de Voceiros na que se tomou a decisión, a cidade aposta por emprender un camiño común xunto coas localidades de Rochefort, en Francia, e de Chatham, en Gran Bretaña. E asÃ, en base aos múltiples nexos que unen ás tres cidades, a proposta suporá para Ferrol contar con mellores opcións de acadar este prestixioso recoñecemento que concede a Unesco. Un tÃtulo que permitirÃa á urbe naval lograr unha proxección máis alá de calquera fronteira, atraendo turismo de calidade e interesado pola cultura dende todos os puntos do planeta.
Asemade, o alcalde lembraba que a proposta de que Ferrol lidere a andaina conxunta destes tres arsenais europeos de cara a converterse en Patrimonio da Humanidade fora recollida xa no seu momento, coa chegada incluso dunha delegación francesa para percorrer as fortificacións militares ferrolás. De maneira que o acordo adoptado na Xunta de Voceiros de hoxe supón, destacou Vicente Irisarri, dar un paso máis neste ambicioso proxecto.
Xa polo miúdo, o primeiro edil explicou que, no caso dos municipios que forman o PaÃs de Rochefort -na desembocadura do rÃo Charente, no noroeste de Francia-, se trata dunha rexión cunhas orixes similares ás de Ferrol e que posúe un arsenal militar de parecidas caracterÃscas. Nesta liña, cabe sinalar que a desembocadura do rÃo Charente foi elexida en 1666 polo rei Luis XIV e polo ministro Colbert para acoller as modernas e innovadoras instalacións industriais e militares no Atlántico. Unhas instalacións que se mantiveron en funcionamento ata 1927. Mentres, Chatham -ao leste de Londres- é famosa polos seus estaleiros, que abasteceron de barcos á Mariña inglesa dende hai varios séculos.
Por último, o alcalde incidiu na necesidade de traballar con rigor e intensidade neste proxecto fundamental para a cidade.
Tivo lugar a xornada 'Deputados por un dÃa', na que os escolares galegos levaron ao hemiciclo as súas propostas para mellorar a sociedade. Os catro representantes dos colexios, un por provincia, compartiron na Cámara as súas reflexións sobre a convivencia, o tema arredor do que xira este curso o programa educativo Abraza tus valores, e a relación dos menores coas tecnoloxÃas. Participaron máis de 8.300 escolares de entre 4 e 12 anos de 83 centros públicos, concertados e privados de Galicia (Arquitecto Casas Novoa de Santiago, o CEIP Plurilingüe A Gándara, de Monforte de Lemos, o CEIP Plurilingüe Irmáns Villar, de Ourense e o CEIP Plurilingüe de Cerdeiriñas, de Piloño).
A actividade levada a cabo pola Axencia de Protección da Legalidade UrbanÃstica (APLU) para protexer o medio ambiente e o patrimonio natural e paisaxÃstico galego permitiu o pasado ano a reposición da legalidade en 121 actuacións en toda Galicia. Estas reposicións foron resultado do labor do equipo inspector do organismo adscrito á ConsellerÃa de Vivenda e Planificación de Infraestruturas, e repartÃronse principalmente na provincia de Pontevedra, con 60 actuacións, seguida da Coruña con 30, Lugo con 21 e Ourense con 10.
