jueves, 5 de noviembre de 2026
A Conselleira de Pesca e Asuntos Marítimos, Carmen Gallego Calvar, participou na xuntanza do Consello Consultivo para Asuntos Comunitarios celebrado en Madrid no que se abordaron, entre outros asuntos, a proposta da Comisión Europea de TACs e Cuotas para o vindeiro ano 2009, que se debatirá no marco do Consello de Ministros da UE en Bruxelas os días 18 e 19 de decembro.
Sobre esta cuestión e unha vez finalizada a reunión, a titular de Pesca
explicou que para Galicia este é o Consello de Ministros de Pesca máis
esperado e importante xa que neste encontro se fixarán as posibilidades de pesca para 2009 para a frota galega, unha frota que está interesada na maioría das especies. Segundo indicou a Conselleira, para Galicia é moi importante o que se decida sobre a pescada, o peixe sapo, o xurelo, a cigala ou a xarda, e polo tanto estaremos moi pendentes do encontro de Ministros que se celebrará o xoves e o venres.
Carmen Gallego sinalou ademais que a proposta da Xunta de Galicia,
plantexada hoxe ao Consello Consultivo, fai mención á necesidade de manter as posibilidades de pesca de 2008 para o ano 2009, o que supón incrementar nun 15 por cento os totais admisibles de captura que propón a Unión Europea para o vindeiro exercicio. Por iso, a responsable da
Administración pesqueira galega pediulle á ministra Elena Espinosa que
defenda a postura galega na reunión de mandatarios de Pesca europeos.
Sobre a proposta da Comisión, a Conselleira resaltou que en xeral se trata dun posicionamento á baixa, agás no caso da merluza do sur que inclúe un incremento do 15 por cento. Unha subida que para Carmen Gallego é importante para os intereses dos mariñeiros galegos.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
