lunes, 15 de junio de 2026
A Universidade de Santiago coordina o proxecto europeo Efelcren (Educational Flexible and creative environments) para a creación e validación de materiais didácticos mediante ferramentas gratuítas ou de software libre que serán empregados posteriormente en espazos de formación on-line de Educación Primaria e Secundaria.
Efelcren foi seleccionado para participar este martes 2 en Madrid na Conferencia Nacional Temática e Feira de Valorización de Produtos de Proxectos Europeos sobre Competencias Básicas que organiza o Organismo Autónomo Programas Educativos Europeos (OAPEE) como Axencia Nacional para o Programa de Aprendizaxe Permanente. Esta entidade seleccionou ao equipo compostelán como exemplo de boa práctica para este encontro, ao que acude convidada para mostrar o traballo realizado.
Coordinado polo Grupo de Investigación de Tecnoloxía Educativa da USC que dirixe a profesora Beatriz Cebreiro, Efelcren é un proxecto cofinanciado pola Comisión Europea no marco do programa Socrates/Comenius 2.1 que reuniu a investigadores, formadores de profesores, profesores, técnicos e estudantes de TIC para identificar as mellores estratexias de ensino, crear e avaliar materiais de e-learning que inclúen en múltiples idiomas contido interactivo como simulacións, multimedia ou video clips
Ademais, o grupo identificou exemplos de boas prácticas que foron categorizadas mediante unha base de datos en liña no Centro de Recursos, o que facilita o seu uso a outros profesores así como a súa adaptación ás súas propias necesidades. Deste xeito, profesores de diversas áreas e países poden facilmente encontrar diferentes recursos didácticos de gran calidade á súa disposición listos para ser utilizados (http://efelcren.cesga.es/center). O proxecto rematouse este curso e ábrese a toda a comunidade científica e educativa.
Calquera persoa interesada tamén pode colaborar publicando a través deste Centro de Recursos os seus propios materiais de e-learning, outros que utilicen habitualmente e consideren de interese para os usuarios ou ferramentas útiles (software educativo, webs especializadas, ferramentas web 2.0 e para a formación e a colaboración en rede, etc). Desta forma, o catálogo inicial poderá ampliarse e actualizarse constantemente ata converterse nun punto de referencia para todos aqueles profesores interesados no desenvolvemento de propostas de aprendizaxe flexibles e creativas.
Como socios deste proxecto participan o Centro de Supercomputación de Galicia, o Trinity College (TCD-Irlanda), o Centre of Information Technology of Education (ITC-Lituania), o Instituto per lle Tecnologie Didattiche (Génova- Italia), o Haslev Seminarium (Dinamarca) e o Euneos Corporation (Finlandia).
Foron presentados os novos equipamentos do Centro de Supercomputación de Galicia) instalación que vai incorporar un segundo computador cuántico, denominado IQM Spark. O novo supercomputador e os dous novos computadores cuánticos que se van adquirir situarán a nosa Comunidade na vangarda europea en canto a capacidade de almacenamento de datos e participación en grandes proxectos internacionais. En canto aos computadores cuánticos, o de menor capacidade (5 cúbits), dedicarase exclusivamente a tarefas de formación, probas de concepto e de algoritmia, complementando así ao de maior capacidade (54 cúbits), que será o buque insignia.
A Xunta exixe o rescate da AP-9 e asina cos Gobernos de Asturias e Castela e León e o tecido empresarial das tres comunidades a Declaración Compostela, que insta á Comisión Europea a culminar o ditame sobre as prórrogas da AP-9 e AP-66. A conselleira de Vivenda e Planificación de Infraestruturas, María Martínez Allegue, interveu no encontro 'As infraestruturas viarias do Noroeste', organizado pola Confederación de Empresarios de Galicia.
