martes, 21 de abril de 2026
O conselleiro de Economía, José Ramón Fernández Antonio, analizou cos empresarios galegos en Cataluña as medidas que está a tomar a Xunta para dinamizar a actividade económica e facilitar o financiamento ás empresas. Fernández Antonio subliñou o carácter pioneiro das iniciativas do Goberno galego e comprometeu o apoio da Xunta aos empresarios para que manteñan a actividade dos seus proxectos en Galicia e aproveiten as oportunidades que poidan xurdir para abordar novos investimentos. O conselleiro reuniuse con membros da Asociación de Empresarios Galegos en Cataluña (Aegacat) encabezados polo seu presidente, Julio Fernández Rodríguez.
O conselleiro avanzou que asinará con máis de vinte entidades financeiras, os convenios para as novas liñas de financiamento do Igape orientadas á operacións para facilitar liquidez inmediata ás empresas; así como as dirixidas a fortalecer as estruturas financeiras con refinanciamento de pasivos e ao apoio á capitalización das empresas. As axudas, segundo explicou o conselleiro, están dirixidas a facilitar o financiamento ás empresas galegas para que ningún proxecto viable quede sen financiamento. O obxectivo, segundo engadiu é manter a actividade e o emprego nun momento de crise económica internacional ao que non é inmune Galicia.
As medidas combinan préstamos do Igape, achegas de capital polos fondos de capital risco e apoio ao financiamento das empresas cos avais a través das sociedades de garantía recíproca. Neste sentido, Fernández Antonio destacou a ampliación nos Orzamentos do 2009 das liñas de avais para o apoio ao financiamento das pequenas e medianas empresas, que ampliamos ata 500 millóns de euros para o 2009.
Inspirada no Camiño da Traslatio, Saias do mar é un espectáculo de danza contemporánea que homenaxea a muller galega como forza ancestral ligada ao mar. A peza transforma o corpo nun territorio fluído e propón unha lectura coreográfica do feminino como memoria viva e indómita, depositaria dunha herdanza espiritual e simbólica, vencellada á ruta sagrada que trouxo o corpo do apóstolo Santiago por vía marítima ata estas terras. Juan Miguel Hernández é o autor da coreografía desta montaxe dirixida por Nerea Andrés, e ambos forman tamén parte do elenco xunto a Dayron Rodríguez, Irene Lorenzo, Laura Pereiras, Lucía Fontenla, Alba Fariña e Zoe Amor. A proposta, de 40 minutos de duración e pensada para poder executarse en todo tipo de espazos, complétase cunha selección musical de Rosa Cedrón, Daniel Minimalia e Luar na Lubre, vestiario de Santos Salgado e atrezzo de Elva Bernat.
O presidente da Xunta informou de que a Xunta vén de solicitar ao Goberno central 'que suspenda de inmediato a reforma do Regulamento de Costas' porque 'invade competencias exclusivas de Galicia e vulnera os dereitos dos titulares de concesións do litoral'. O Goberno autonómico lembra que, nos termos actualmente previstos, este regulamento non se adecuaría ás exixencias da Comisión Europea nin ao propio Dereito comunitario.
