viernes, 2 de mayo de 2025
O conselleiro de EconomÃa e Facenda, José Ramón Fernández Antonio, anunciou que as caixas de aforro galegas respaldarán as medidas aprobadas recentemente pola Xunta de Galicia dirixidas a facilitar o financiamento ás empresas galegas a través das novas liñas do Instituto Galego de Promoción Económica (Igape). Nos próximos dÃas, segundo avanzou o conselleiro, asinarase o convenio coas entidades financeiras para poñer en marcha estas liñas, que se enmarcan no conxunto de medidas dirixidas ao mantemento do financiamento esencial para manter a actividade produtiva das empresas e o emprego. O conselleiro reuniuse hoxe co presidente de Caixanova, Julio Fernández Gayoso; e co director xeral de Caixa Galicia, José LuÃs Méndez, cos que analizou as novas medidas e o acordo para a orientación da metade dos recursos da obra social a investimento produtivo.
As liñas aprobadas polo Igape, explicou o conselleiro, están dirixidas ás pequenas e medianas empresas galegas a través de programas de capital circulante, de refinanciamento de pasivos e de ampliación de capital. Ademais, engadiu Fernández Antonio, os orzamentos de Galicia para o 2009 recollerán a ampliación dos avais da Xunta ata os 500 millóns de euros. “Estamos falando dunhas medidas que terán importante efecto na actividade económica e no emprego, e que teñen como finalidade facilitar o mantemento e desenvolvemento da actividade económica e produtiva das empresas e o mantemento na creación de emprego”, afirmou o conselleiro.
Medidas contra a crise financeira
A crise económica actual ten unha orixe financeira clara e, a partir de aÃ, “o núcleo das medidas que estamos tomando atacan ese problema cun apoio financeiro á actividade económica a través destas liñas dirixidas ás pemes”, explicou Fernández Antonio. Nese sentido, destacou o papel da Xunta “como estimulador e como catalizador de medidas que faciliten o financiamento”, e agradeceu tamén o esforzo das caixas na orientación de recursos cara a actividade produtiva. O pasado mes de xullo o conselleiro asinou coas caixas galegas un convenio en materia de obra social polo que as entidades destinan a metade da dotación en 2008 a accións que contribúan ao desenvolvemento económico de Galicia, a través de iniciativas en educación, I+D, innovación, fomento do emprego, e asistencia social.
Por último, o conselleiro subliñou que no contexto de crise financeira internacional as entidades financeiras españolas, e en especial as entidades financeiras galegas teñen unha situación de solvencia e liquidez que é resultado de tres factores: en primeiro lugar, unha normativa española que é un exemplo para o conxunto do mundo; en segundo lugar, unha supervisión do conxunto das entidades financeiras; e en terceiro lugar, unha xestión de riscos que garante a solvencia do sistema financeiro español.
A Filmoteca de Galicia inicia en maio unha retrospectiva arredor do actor italiano Marcelo Mastroianni como parte dunha carteleira na que tamén sobresaen as visitas de dous destacados nomes do actual panorama cinematográfico estatal: Alauda Ruiz de Azúa e Albert Serra. A oferta mensual da cinemateca da Xunta arranca este venres 2 con Corazón Salvaje, que se exhibe na recta final da homenaxe que se lle está a dedicar ao director David Lynch tralo seu recente pasamento. A nova programación inclúe tamén un repaso ás tres longametraxes do cineasta galego Raúl Veiga e a habitual colaboración co festival Play-Doc de Tui, que desta volta pon o foco en dúas figuras do cinema independente norteamericano: Monte Hellman e Elaine May.
Ou Yeah! é unha nova iniciativa arraigada no territorio, comprometida coa súa xente e deseñada para proxectar Ourense ao mundo. A súa esencia é a transformación: do local ao global, do tradicional ao contemporáneo, do escenario ao prato, do concerto ao encontro. Deste xeito, o festival, que ten como columna vertebral o rock, entendido nun sentido amplo, plural e actual, conxuga música, gastronomÃa, identidade e impacto territorial. Ou Yeah! espallarase pola provincia de Ourense entre os meses de xullo e outubro de 2025. O primeiro concerto terá lugar na capital da provincia, na explanada de Expouerense, o sábado 12 de xullo, da man de bandas de referencia internacionais, nacionais e galegas como The Waterboys, Morgan, Escuchando Elefantes e Tesouro.
