sábado, 7 de noviembre de 2026
O máximo mandatario autonómico, Emilio Pérez Touriño, e a conselleira de PolÃtica Territorial, Obras Públicas e Transportes, MarÃa José Caride, presidiron o acto de colocación da primeira pedra da nova dársena do porto de Cabo de Cruz, na que Portos de Galicia inviste 10 millóns de euros. Os traballos teñen un prazo de execución de 24 meses.
Con esta actuación, Portos de Galicia habilita un novo espazo no porto de Cabo de Cruz co que se poderá cubrir a demanda existente na zona, que conta cunha importante flota de embarcacións deportivas que non tiñan ata o de agora zonas de abrigo axeitadas. Ao mesmo tempo, a nova dársena permitirá ampliar o abrigo da actual dársena pesqueira e da flota de mexilloeiros pasando dos aproximadamente 35.000 metros cadrados actuais de espazo protexido a uns 210.000, o que supón multiplicar por seis a superficie abrigada.
A actuación que acometerá Portos de Galicia supón a construción dun dique e un contradique. O primeiro construirase como unha prolongación de 405 metros a partir da primeira aliñación do actual dique sur do porto. Sobre este realizaranse obras complementarias para demoler o espaldón e retirar as pedras da actual escollera ao deixar estes elementos de cumprir a súa función. O novo dique proporcionará unha maior seguridade aos amarres ante as ondas procedentes do sur.
Pola súa banda, o contradique -todo el de nova construción- situarase ao norte e terá unha lonxitude de 605 metros. Este contradique permitirá crear unha zona máis ampla de protección para os ventos do norte e do nordeste.
Esta actuación é, polo seu volume de investimento, a segunda máis importante que está a acometer Portos de Galicia, despois da ampliación do porto de Brens, en Cee.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas pelÃculas. Coa proxección de El pisito, de Marco Ferreri, comeza esta mesma tarde a ConsellerÃa de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardÃn de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
