jueves, 5 de noviembre de 2026
O piloto de rallys Pedro Burgo e o seu copiloto, Marcos Burgo, foron recibidos polo vicepresidente da Deputación, o nacionalista, Antón Bao. Os irmáns Burgo chegaron, ata os xardíns do Pazo de San Marcos, no seu coche de competición. Pedro Burgo explicoulle a Antón Bao as especiais características de este vehículo que lles permitiu acadar a victoria na 30ª edición do Rallye San Froilán e así converterse, tamén, en gañadores do Campionato Galego de Rallyes. Burgo proclamouse campión de Galiza logrando o triunfo en todas as probas do certame que rematou. A partir de agora, centrarase no campionato estatal, no que se atopa clasificado en quinta posición sendo o primeiro clasificado no grupo N.
Esta recepción enmarcase na serie de visitas de deportistas que o vicepresidente, como responsable da Área de Cultura e Deporte, está a recibir na Deputación, segundo Antón Bao temos que achegar a institución aos cidadáns e tamén os cidadáns, neste caso os deportistas, está convidados a achegarse á institución para coñecela de preto e saber que está ao seu servizo. Antón Bao sinalou a Pedro Burgo como unha mostra máis de que Lugo e Galiza é unha potencia no deporte do motor e felicitouno por las vitorias acadadas nesta tempada.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
