sábado, 8 de agosto de 2026
A cidade de Ferrol acollerá os vindeiros días 13 e 14 de setembro o Campionato de España de Triatlón con perspectivas de ser a proba estrela do ano, segundo asegurou o presidente da Federación Española de Triatlón, José Hidalgo, na presentación do evento que tivo lugar hoxe no Salón de Recepcións do Concello e na cal participaron tamén o alcalde ferrolán, Vicente Irisarri; o concelleiro de Deportes, Manuel Santiago; o deputado provincial e concelleiro de Facenda, Ramón Veloso; e o virtual campión do mundo de triatlón de 2008, Javier Gómez Noya.
Vicente Irisarri manifestou a súa ledicia polo feito de que un evento de tales características se celebre en Ferrol e expresou o seu desexo de que isto sirva ademais como medio para a proxección desta localidade a través das actividades e do deporte. Pola súa parte, o edil Manuel Santiago lembrou que a cidade é tamén, nestes días, centro mundial do body e do surf cos campionatos que se están disputando nas praias de Doniños e Pantín, e que a próxima semana se convertirá na cidade da versatilidade deportiva, dado o carácter multidisciplinar do triatlón. Así mesmo, o concelleiro sinalou que Ferrol ofrece unhas magníficas condicións para a desputa das probas, ao contar coa ensenada de Caranza, onde se nadarán os 1.500 metros; un espléndido entorno rural con contraste entre montes e montañas, por onde transcorrerán os 40 kilómetros da proba de bicicleta; e un barrio histórico como é o da Magdalena, no cal se farán os 10 kilómetros da carreira a pé.
O diputado provincial e concelleiro de Facenda do Concello ferrolán, Ramón Veloso, dixo sentirse moi orgulloso de que esta proba poida celebrarse en Ferrol e falou dela como un exemplo para a xuventude, algo moi importante de cara a que esta creza cunha boa formación e tamén sá.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
