viernes, 14 de agosto de 2026
25 empresas presentaron propostas para executar as obras de urbanización e electrificación do Parque Empresarial de Pacios-Baamonde, en Begonte. As obras deste parque foron licitadas o pasado abril, por un importe de 21.375.171 e prevese o seu inicio no segundo semestre deste ano cun prazo de execución de 24 meses.
Neste momento, ultímase o proceso de adquisición dos terreos precisos para o desenvolvemento deste parque mediante expropiación. Ademais, está en proceso de adxudicación a Dirección da obra por 434.207 .
O Parque Empresarial de Pacios-Baamonde terá unha superficie de 1.062.151 metros cadrados dos que 652.415 serán de uso empresarial, 72.889 uso comercial, social e deportivo, outros 147.890 destinados a zona verde e o resto para vías, infraestruturas, servizos e aparcamentos.
Este parque contará en total con 44 parcelas de gran tamaño, das que 40 serán de uso industrial destinadas a operadores loxísticos dedicados ao movemento de mercadorías. Destas 40 parcelas, 18 terán entre 5.000 e 12.000 metros cadrados, 20 cunha superficie de entre 12.000 e 30.000, unha de 66.263 e 1 parcela de 90.990 metros cadrados.
Precisamente a situación do Parque de Pacios-Baamonde, entre a A-6, a futura Autovía do Cantábrico A-8 e a N-634, é unha das características que o fai especiualmente atractivo para a instalación deste tipo de empresas, que precisan de enlaces coas principais vías de comunicación do país para o transporte das súas mercadorías.
O futuro Parque Empresarial de Pacios-Baamonde está integrado no programa Galiza Suma, xa que se trata dun proxecto estratéxico pola súa situación no país e polo seu carácter de Plataforma Loxística que permitirá a instalación de grandes empresas, co conseguinte desenvolvemento económico e creación de postos de traballo.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
