jueves, 5 de noviembre de 2026
A Consellería de Pesca e Asuntos Marítimos promove, a través da campaña Sonche Xan!, o consumo de peixe entre os máis cativos da casa en Oceanus 2008 Festival dos Mares, que se celebra na cidade da Coruña entre o 26 e o 29 de xuño. Deste xeito, no certame, organizado polo Concello herculino, terá lugar o obradoiro Aprende a comer peixe con Xan, no que o debuxo animado de estética manga que protagoniza a campaña do departamento que dirixe Carmen Gallego achegará aos rapaces os beneficios derivados da inxestión de produtos do mar.
O festival Oceanus 2008 lévase a cabo nunha carpa situada na explanada do Palacio de Exposiciones y Congresos (Palexco) da cidade herculina e foi inaugurado este mediodía, nun acto no que, entre outras autoridades, participou a delegada territorial de Pesca na Coruña, Rosa Liaño. O espazo Aprende a comer peixe con Xan tivo lugar hoxe en horario de 12 a 13,30 horas e tamén se desenvolverá nas xornadas de mañá e o sábado entre as 12,30 e as 14 horas.
No transcurso dos tres días, está previsto que pasen polo obradoiro arredor de 100 nenos aos que Xan amosará os poderes que dá o consumo de peixe, fomentando neles hábitos alimenticios saudables para que medren fortes e sans. Así, os rapaces que se acheguen ao taller, ademais de aprender e disfrutar dun anaco de lecer, recibirán diferentes agasallos e estarán acompañados por Xan, así como por tres monitores.
Entre os regalos que se entregarán atópase diverso material promocional como mochilas, camisetas e porta Cds. Así mesmo, os nenos recibirán como agasallo unha publicación con información sobre os valores nutricionais e os beneficios de consumir produtos do mar, receitas, pasatempos, fichas para colorear e información xeral sobre o mundo da pesca.
Esta actividade, coa que Pesca quere apoiar a celebración do 800 aniversario da cidade da Coruña, forma parte da campaña Sonche Xan!, que leva a cabo a Consellería ao longo de todo o ano. Trátase dunha iniciativa que ten por obxectivo animar aos máis pequenos a consumir peixe e que inclúe, ademais de anuncios en prensa, radio e televisión, actividades lúdicas e deportivas nas que se fai entrega aos rapaces de diverso material promocional.
De feito, o pasado mes de marzo, Xan foi o protagonista do stand do departamento autonómico na XIII edición da Vilagarcía Basket Cup, o campionato internacional sub-20 de baloncesto da cidade de Vilagarcía. Nese encontro, Xan repartiu camisetas aos membros dos equipos participantes, así como agasallos a todos os asistentes e foi un dos encargados de animar aos equipos e á afección.
Coñecementos sobre o peixe e o traballo no mar
Os obxectivos xerais da campaña Sonche Xan! 2008 son potenciar o consumo de peixe desde idades temperás como parte esencial dunha dieta equilibrada; fidelizar a Xan como referente dun consumo divertido; e axudar aos pais a incluír os produtos do mar na alimentación dos rapaces como parte dunha dieta saudable e normalizada.
Ademais, persegue outras finalidades como dar a coñecer a composición nutricional do peixe e os seus beneficios para a saúde, así como as distintas presentacións, elaboracións e conservación dos produtos do mar; difundir a diversidade de alimentos de orixe mariña; e facer que os máis cativos se familiaricen co traballo no mar e a importancia que ten a pesca para Galicia.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
