viernes, 29 de mayo de 2026
Ao Sector do viño non lle chega con dicir que a Lei de
Drogodependencias non resultará lesiva para o sector do viño, como
manisfestou onte o Conselleiro Suárez Canal no Parlamento Galego.
Dende o SLG esiximos ao Conselleiro de Medio Rural que medie
ante a Consellería de Sanidade para que o viño sexa retirado do
borrador da Lei de Drogodependencias.
Ao mesmo tempo mostrámonos dispostos a traballar
conxuntamente con todo o sector para elaborar unha normativa
específica para o sector vitivinícola galego.
Foi presentada a programación do Festival Outono Lírico 2026, unha iniciativa impulsada pola Asociación Amigos da Ópera de Vigo que permitirá gozar na cidade olívica da ópera Don Giovanni, de Mozart, e da actuación de grandes voces internacionais actuais. Entre as citas destacadas que programará este festival, cabe salientar a representación, o día 1 de novembro, de Don Giovanni, unha das obras máis influíntes e complexas da historia da ópera, que se ofrecerá na versión orixinal estreada en Praga, e coa participación da orquestra e coro GAOS. Tamén destaca o recital do 12 de setembro do tenor Jorge de León e o barítono Juan Jesús Rodríguez.
Co recoñecemento de Amescruz, Sociedade Cooperativa Galega como nova Organización de Produtores Pesqueiros, coa denominación de OPP-99, Galicia lidera o número de OPP de ámbito autonómico no conxunto do Estado, unha proba máis de que a nosa comunidade mantén o seu papel de referente no ámbito pesqueiro e acuícola. Das 32 entidades existentes en España, dez sitúanse en Galicia, é dicir, case o 33 %. As Organizacións de Produtores Pesqueiros son entidades recoñecidas oficialmente no marco da Política Pesqueira Común da UE. A súa finalidade é contribuír á xestión sostible dos recursos mariños, favorecer unha mellor planificación da produción e reforzar a comercialización dos produtos da pesca e da acuicultura.
