viernes, 14 de agosto de 2026
O SLG lamenta os feitos ocorridos na mañá de hoxe, só comprensíbeis dende a desesperación que se está a sentir en moitas explotacións, dado que nos últimos tempos sufriron un incremento enorme dos custos (cereais, fertilizantes, gas-oil
), así coma unha desproporcionada e inxustificada baixa dos prezos.
Moitas explotacións atópanse, por mor desta diminución do prezo do leite, ao borde da quebra, con moitas dificultades para facer fronte aos gastos e pagaren os créditos que teñen para financiar os investimentos realizados.
O SLG considera, como vía prioritaria para buscar a necesaria solución a esta baixa de prezos, a negociación e a interlocución social, apostando decididamente pola loita sindical, da que é bo exemplo a participación masiva e unitaria do sector nas mobilizacións recentes ante as centrais lácteas.
Que quen estea detrás da organización destes actos, que teñen máis de sensacionalistas que de loita sindical, deberían dar a cara e aclarar que se quere conseguir cos mesmos.
Asimesmo condenamos as ameazas de baixa de prezos que as industrias manteñen no agro mes tras mes, e da que recoñecemos que Leite Rio foi punta de lanza no mes de marzo, xa que obrigan a productores e productoras a vender o leite con prezos que están
moitas veces por debaixo dos custos de produción e non pagan o seu traballo.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
