viernes, 14 de agosto de 2026
A Dirección Xeral de Comercio, a través da Fundación Centro Galego da Artesanía e do Deseño, leva o stand institucional de Artesanía de Galicia á 39 edición de Iberjoya, que se celebra en Madrid entre o 14 e o 18 de febreiro. A xerente da Fundación, Maruxa Ledo, desprazarase ata a feira para acompañar os cinco obradoiros galegos que acoden baixo o distintivo da marca. Esta iniciativa enmárcase no programa de actuacións de impulso do sector artesán galego nos mercados de fóra de Galiza, que a Dirección Xeral de Comercio iniciou xa durante a última parte de 2007.
Os artesáns que acoden ao Salón Internacional de Xoiaría, Prataría, Reloxaría e Industrias Afíns Iberjoya con Artesanía de Galicia contarán cun espazo propio para expoñer as súas pezas dentro do stand institucional, cun almacén e mais con persoal de apoio comercial. A Fundación ofrécelles tamén un servizo de transporte das pezas e un seguro, ademais de subvencionar o 75% do custe do seu espazo individual. O stand de Artesanía de Galicia estará situado no pavillón 10 do Ifema de Madrid e poderase visitar en horario continuado de 10:00 a 20:00, agás o último día, que pechará ás 15:00 horas.
Iberjoya é unha feira exclusivamente profesional, que está consolidada como o principal encontro de xoiaría en todo o Estado, ao tempo que está considerada un dos máximos referentes internacionais do sector. Na edición deste ano hai 550 empresas expositoras e estímase unha afluencia media de 22.000 profesionais da xoiaría, polo que se pretende que sexa unha excelente oportunidade de promoción e de negocio para os artesáns galegos que acoden coa marca Artesanía de Galicia.
A presenza institucional da artesanía galega en feiras profesionais responde a un obxectivo dobre da Dirección Xeral de Comercio que, dunha banda, pretende potenciar o uso e a difusión da marca Artesanía de Galicia e, da outra, impulsar a internacionalización dun sector cunha grande potencialidade económica. Nesta mesma liña, ten previsto levar o stand institucional ás feiras internacionais de París e Florencia, a finais de abril, e á Tendence de Frankfurt, a comezos do mes de xullo.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
