sábado, 13 de junio de 2026
Preto de 500 persoas participaron no concurso de epitafios en lingua galega, promovido pola Secretaría Xeral de Política Lingüística, a través da web da campaña En galego tes todo por dicir. E logo! A iniciativa forma parte do programa de actuacións deseñado para promover a lingua galega entre a mocidade e nas novas tecnoloxías.
Durante todo o mes de novembro, os internautas foron deixando as súas propostas creativas, que agora se poden ver en www.galegoelogo.com. O sentido de humor, a orixinalidade e a peculiar visión da morte presente na tradición galega están reflexados nas distintas creacións. Morra a marta, morra farta, Desta non saio, Para ser bo hai que morrer ou A súa familia descansa en paz son algúns dos 480 epitafios que achegaron os participantes.
O concurso de epitafios forma parte das accións que Política Lingüística está a desenvolver para o fomento do galego entre os mozos e as mozas, tendo como soporte as novas tecnoloxías.
Ademais deste concurso, o departamento que dirixe Marisol López, tamén pechou con éxito esta semana outra iniciativa dirixida á mocidade e que estivo aberta á participación do público na web da campaña. O premio de fotografía Enfoca o Galego, un concurso para expresar en imaxes a simboloxía da lingua galega, recaeu en David Parrado. Ao certame presentáronse 228 fotografías.
As accións enmárcanse nos obxectivos do Plan xeral de normalización da lingua galega, que establece a importancia de abordar accións innovadoras que fomenten a expresión en lingua galega.
Foron presentados os novos equipamentos do Centro de Supercomputación de Galicia) instalación que vai incorporar un segundo computador cuántico, denominado IQM Spark. O novo supercomputador e os dous novos computadores cuánticos que se van adquirir situarán a nosa Comunidade na vangarda europea en canto a capacidade de almacenamento de datos e participación en grandes proxectos internacionais. En canto aos computadores cuánticos, o de menor capacidade (5 cúbits), dedicarase exclusivamente a tarefas de formación, probas de concepto e de algoritmia, complementando así ao de maior capacidade (54 cúbits), que será o buque insignia.
A Xunta exixe o rescate da AP-9 e asina cos Gobernos de Asturias e Castela e León e o tecido empresarial das tres comunidades a Declaración Compostela, que insta á Comisión Europea a culminar o ditame sobre as prórrogas da AP-9 e AP-66. A conselleira de Vivenda e Planificación de Infraestruturas, María Martínez Allegue, interveu no encontro 'As infraestruturas viarias do Noroeste', organizado pola Confederación de Empresarios de Galicia.
