viernes, 14 de agosto de 2026
A Consellaría de Innovación e Industria e o Clúster da Automoción de Galicia desenvolverán diversas actividades de fomento da innovación, o coñecemento e a competitividade este mesmo ano co fin de potenciar o conglomerado da automoción do noso país. En virtude dun convenio asinado polo titular de Innovación e Industria, Fernando Blanco, e o presidente do Clúster da Automoción, Antonio Vega, executarase un plano de mellora da competitividade do tecido da automoción e estudaranse especificamente as necesidades de chan e equipamento industrial do sector.
Ambos os proxectos terán un investimento de 131.552 euros, dos cales a Consellaría de Innovación achegará o 50%. No tocante ao plano de mellora da competitividade do sector, desenvolverase unha ferramenta de diagnose baseada no benchmarking para analizar o nivel competitivo, polo menos, en oito PEMES da automoción galega, e para pór en marcha proxectos de mellora baseados no Lean Manufacturing.
Pola súa banda, a elaboración dun estudo de necesidades de chan e equipamento industrial contribuirá á instalación de novas empresas do sector en Galiza, no canto de optaren polo norte Portugal, e a achegar aos axentes xestores do solo e institucións as necesidades reais do sector. Neste documento incluirase o estudo de chan, equipamentos, niveis de seguridade, competitividade do chan, accesos e redes viarias tanto nos polígonos actuais coma nos novos cun horizonte ata o 2.011.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
