sábado, 7 de noviembre de 2026
A Administración do Estado vén de traspasarlle á Comunidade Autónoma de Galicia os medios económicos para o colexio Almirante Juan de Lángara e Huarte, de Ferrol, que imparte as ensinanzas de educación infantil, primaria, e o primeiro ciclo da Educación Secundaria Obrigatoria (1º e 2º cursos de ESO). O curso 2006/2007, este centro rexistrou unha matrÃcula de 68 alumnos/as en educación infantil, 130 en educación primaria, e 18 no primeiro ciclo de ESO.
O Consello da Xunta aprobou o Decreto sobre a asunción dos medios económicos transferidos polo Estado en materia de educación á Administración educativa galega para o colexio Almirante Juan de Lángara e Huarte. En virtude deste decreto, cédese á Comunidade galega, por un perÃodo de setenta e cinco anos, o uso do ben inmoble onde se atopa ubicado este centro.
O custo efectivo anual dos medios que se traspasan á Comunidade galega ascende a un total de 390.976,67 euros. Asà mesmo, o Ministerio de Defensa entrega á Xunta a cantidade de 70.000 euros, por unha soa vez e sen integrarse no custo efectivo, para financiar actuacións de rehabilitación e mellora das instalacións, asà como de supresión de barreiras arquitectónicas.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas pelÃculas. Coa proxección de El pisito, de Marco Ferreri, comeza esta mesma tarde a ConsellerÃa de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardÃn de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
