domingo, 8 de noviembre de 2026
O presidente da Xunta, Emilio Pérez Touriño, remarcou que o anteproxecto de Lei de medidas urxentes en materia de vivenda e solo permitirá “mudar radicalmente a oferta de vivenda protexida na comunidade nos vindeiros anos”. Asà o dixo o xefe do Goberno galego na rolda de prensa posterior ao Consello da Xunta, que esta mañá coñeceu un informe das consellerÃas de PolÃtica Territorial, Obras Públicas e Transportes e de Vivenda e Solo sobre o estado de tramitación da norma conxunta.
O xefe do Executivo autonómico confirmou que antes de que remate o ano o Parlamento de Galicia aprobará a Lei de medidas urxentes en materia de vivenda e solo, que ten entre as principais novidades que eleva ata o 40% a porcentaxe de solo que obrigatoriamente deben reservar a vivenda protexida os concellos de máis de 20.000 habtiantes.
O máximo mandatario autonómico lembrou que “a lei anterior, a lexislación vixente, que vén de gobernos anteriores, establecÃa a porcentaxe do 20%”, mentres que a norma que actualmente se impulsa establece “que non o 20, senón o 40% do solo sexa reservado a vivenda protexida nos concellos de máis de 20.000 habitantes, é dicir nos grandes espazos urbanos”. Nos concellos que non superen esa poboación, a porcentaxe será do 30%.
O xefe do Goberno galego sinalou que a lei estatal do solo recentemente aprobada establece no 30% a porcentaxe de solo obrigatoriamente reservada a vivenda protexida nos concellos de máis de 20.000 habitantes, polo que considerou que a norma autonómica “é unha lei avanzada, que vai moito máis alá do que establece a lexislación do Estado e que deixa como un vestixio histórico a lexislación actual vixente na comunidade autónoma”.
Trátase, incidiu Touriño, “dunha aposta de gran calado e dunha decisión de extraordinaria importancia para xerar solo cuxa finalidade sexa a construción de vivenda a prezo taxado, a prezo protexido”.
Entre as medidas que recolle a futura Lei destacou tamén a que ten que ver co patrimonio municipal de solo, que se nutre do 10% dos aproveitamentos urbanÃsticos que os promotores inmobiliarios deben ceder aos concellos e que, coa entrada en vigor da nova norma, debe ser destinado nun 50% a vivenda protexida.
Ademáis, remarcou que en virtude da devandita lei, o cinco por cento do solo urbanizable será destinado necesariamente e ofertado exclusivamente para a construción de vivendas en réxime de aluguer ás rendas con máis dificultades e para a xente nova. E por último, que “para os solos urbanizables non delimitados, é dicir, aqueles solos que están lonxe dos cascos urbanos que todavÃa non están delimitados por zonas de expansión, a reserva de solo para vivenda protexida que determina a lei é do 50%”.
Polo tanto, de acordo co informe ao que hoxe lle deu o visto bo o Consello da Xunta, o presidente galego vaticinou que “máis do 40% do solo que se promova en Galicia, será para facer vivenda a prezo protexido, a prezo asequible para a inmensa maiorÃa dos cidadáns”. “É unha aposta polo tanto extraordinariamente avanzada para abordar un dos temas que máis preocupan ao Goberno da Xunta de Galicia”, remarcou.
Plan sectorial da vivenda protexida
Na súa xuntanza de hoxe, o Consello da Xunta autorizou tamén “o inicio da tramitación para a elaboración do primeiro plan sectorial de solo residencial para vivenda protexida en Galicia”, explicou Emilio Pérez Touriño. Concretou que na Lei de medidas urxentes de ordenación do territorio e protección do litoral se introduciu unha novidade, que ata o momento non era viable: permitir que o Goberno de Galicia poida promover plans sectoriais de interese supramunicipal para a xeración de vivenda protexida. “Igual que existen plans sectoriais supramunicipais por razóns urbanÃsticas, por exemplo, que nos permite actuar, para a xeración de solo necesario para obras públicas, podemos facer agora plans sectoriais supramunicipais para vivenda protexida”.
Subliñou que este Plan “nos vai permitir planificar, programar nun horizonte de dez anos o solo destinado a vivenda protexida en función da demanda que se prevea en cada zona ou cada territorio de ámbito galego”. Polo tanto, incidiu en que este Plan incluirá o suelo necesario para a proxección e construción de vivenda protexida e as consecuentes infraestruturas e servizos básicos necesarios que van unidos a eses desenvolvementos.
Nese sentido, Touriño remarcou que se trata “dun plan moi importante” e informou de que vai ser o primeiro do Estado que se poña en marcha, pois son poucas as comunidades autónomas que dispoñen da posibilidade legal de facelo e ata o de agora ningunha o fixo.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas pelÃculas. Coa proxección de El pisito, de Marco Ferreri, comeza esta mesma tarde a ConsellerÃa de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardÃn de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
