sábado, 8 de agosto de 2026
A Conselleira de Pesca e Asuntos Marítimos, Carmen Gallego Calvar, iniciou a súa primeira visita oficial a Noruega, que se prolonga ata o mércores, día 15 de agosto. No decurso das xornadas a titular de Pesca do Goberno Galego, acompañada polo director do Centro Tecnolóxico do Mar-Cetmar, Alberto González Garcés; o xefe do Condado de Soor-Trondelag, Tore Sandvik, e o
responsable de Programas Internacionais desta provincia, Pal Ranes, entre outras autoridades, coñeceu as instalacións das empresas acuícolas máis importantes deste país.
Carmen Gallego visitou na rexión de Hitra as instalacións de Marine Harvest, unha das principais compañías do mundo na cría de salmón no mar, e Hitramat, unha planta industrial líder na produción de cangrexo. A comitiva, xunto co coordinador irlandés do programa comunitario Aquareg, Alan Drumm, achegouse ata a granxa mariña de bacallao no mar, Frengen Havbruk. Así mesmo, visitou o Museo costeiro de Stadsbygd, que tenta manter a tradición das embarcacións tradicionais de madeira de Noruega, e reuniuse co alcalde da zona.
Xa de volta a Trondheim, a Conselleira e o director do Cetmar asistiron a unha recepción ofrecida polo Bispo de Trondheim e, de seguido, visitaron a Catedral de Nidaros (Nidarosdomen), o principal templo cristián da nación e considerado de grande tradición para peregrinos do país e de todo o mundo. Ademais, participaron na recepción ofrecida pola Ministra de Pesca de Noruega, Helga Pedersen, con motivo da celebración da feira
AquaNor. Por último, a comitiva galega asiste á cea oficial organizada polo máximo responsable do Condado de Soor-Trondelag, Tore Sandvik.
A Conselleira de Pesca participa na inauguración da feira AquaNor e na apertura do stand de Trondelag. Este evento, que se celebra cada dous anos na cidade de Trondheim, ten por obxecto amosar durante dous días a profesionais e ao público en xeral os últimos avances en tecnoloxía acuícola, así como fomentar as relacións e colaboracións comerciais do país con outras nacións neste eido. Nas últimas edicións a feira contou con máis de 20.000 visitantes de 50 países.
Carmen Gallego Calvar manterá unha xuntanza coa Ministra de Pesca e Asuntos da Costa de Noruega, Helga Pedersen, co fin de abordar cuestións de interese para Galicia e Noruega.
A estancia oficial da titular de Pesca do Goberno galego ampliarase ata este mércores, día 15, cando presidirá a reunión do programa comunitario de cooperación interrexional Aquareg, que porá o punto final á súa primeira visita oficial a Noruega.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
