jueves, 6 de agosto de 2026
A Vicepresidencia da Xunta de Galicia e a Asociación Empresarial de Transporte de MercancÃas por estrada da provincia de Ourense (APETAMCOR) colaboran nun proxecto piloto para a incorporación das mulleres ao sector do transporte de mercadorÃas nesta provincia. Asà o adiantou o vicepresidente da Xunta, Anxo Quintana, no decurso dunha visita ás instalacións desta entidade, situadas en Barbadás.
Segundo explicou Anxo Quintana, a iniciativa, que se porá en marcha o vindeiro ano, suporá a incorporación de 20 mulleres en situación de desemprego a esta profesión e disporá dun investimento de 67.000 euros por parte da SecretarÃa Xeral da Igualdade. O vicepresidente indicou que este é un proxecto experimental de integración da muller no sector do transporte de mercadorÃas por estrada que ten como obxectivo principal impulsar a integración efectiva das mulleres neste sector. Para isto, o proxecto desenvolverase en tres fases: unha primeira será de información, orientación e asesoramento, no marco da cal se seleccionarán a 20 mulleres demandantes de emprego inscritas no INEM; a segunda fase, de cualificación e formación estará estreitamente tutelada por APETAMCOR e terá unha duración estimada de 7 meses; e a terceira fase será a de colocación das traballadoras, que está garantida por APETAMCOR nas empresas que forman parte da asociación, no eido da provincia de Ourense.
No decurso da visita o vicepresidente da Xunta amosouse convencido do inmenso esforzo desenvolvido por APETAMCOR a prol da profesionalización das organizacións empresariais e afirmou que esta entidade é “unha boa demostración de efectividade”, xa que leva unha liña acertada non só para os seus asociados, senón que ao mesmo tempo supón un beneficio para o resto do paÃs. “Boa mostra deste sentido de futuro é a aposta da asociación polo presente, como se ve nesta preocupación pola igualdade de homes e mulleres”, apuntou Quintana, quen salientou que “de pouco valen os plans de conciliación e igualdade que se fagan desde os gobernos se estes non teñen implicación efectiva na sociedade civil”. AsÃ, puxo como exemplo o proxecto de colaboración establecido entre a Vicepresidencia e APETAMCOR, que, ao seu xuÃzo, suporá un importante avance a prol da integración efectiva da muller en todos os eidos da vida laboral.
A Xunta habilitou hoxe un apartado especÃfico dentro da páxina web de MeteoGalicia para facilitar o acceso e as consultas relacionadas coa predición do tempo en todos os concellos galegos durante a xornada da eclipse solar, prevista para o vindeiro dÃa 12 de agosto. Galicia será unha das rexións nas que mellor se poderá observar este fenómeno astronómico de carácter excepcional, aÃnda que non en todas as zonas se apreciará por igual. De feito, no espazo web dedicado ao tempo durante a eclipse hai un mapa con todos os concellos sobre o que se indica en cales será total e en cales se verá de forma parcial.
Co obxectivo de pór en valor os máis de 2.555 quilómetros de litoral que posúe Galicia, a Xunta ven de lanzar o Camiño do Litoral. Trátase dun itinerario único que discorre por 78 municipios costeiros a través de 52 etapas, concibido para ofrecer unha alternativa de turismo sustentable e amosar a convivencia entre a conservación ambiental e o desenvolvemento socioeconómico da zona. Esta gran ruta vertebradora, que xurde como unha das medidas clave ao abeiro da Lei de ordenación e xestión integrada do litoral de Galicia, conecta espazos naturais, vilas mariñeiras e un rico patrimonio.
