viernes, 7 de agosto de 2026
O conselleiro de Innovación e Industria, Fernando Blanco, recibiu a unha representación do Clube de Baloncesto Rosalía de Castro, equipo que promociona a marca Galicia Calidade e que acaba de acadar o ascenso á LEB.
Fernando Blanco felicitou ao clube polo ascenso á categoría de plata de baloncesto e amosou a súa satisfacción polo éxito dun equipo que ademais está a apostar fortemente polo deporte de base.
Durante a recepción, na que tamén participou o xerente de
Galicia Calidade S.A., Ignacio Louzao, o presidente do Rosalía de
Castro, Ubaldo Rueda, agradeceu o apoio do departamento autonómico ao equipo e regaloulle unha camiseta asinada por todos os xogadores ao conselleiro nacionalista.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
