martes, 8 de julio de 2025
O secretario xeral de Comunicación e presidente do Consorcio Audiovisual de Galicia, Fernando Salgado, e o reitor da Universidade da Coruña, José María Barja, asinaron un convenio de colaboración polo que se cifra a achega económica do Consorcio Audiovisual de Galicia para a realización do Posgrao en Comercialización Internacional de Contidos Audiovisuais (CICA), curso xa en marcha promovido pola universidade coruñesa. Esta achega económica, que se cifra en 30.000 euros, enmárcase na liña de actuacións do Consorcio Audiovisual de Galicia para fomentar a presenza de estudos audiovisuais nas universidades galegas.
Os alumnos matriculados neste posgrao están a coñecer os diferentes mercados de cine, televisión e novos medios tanto do ámbito europeo como do norteamericano, latinoamericano e asiático. Paralelamente, os alumnos fórmanse no eido das tendencias, técnicas de comercio exterior, coprodución, negociación, explotación transnacional e licencias audiovisuais. Ademais, faise un especial fincapé en que os estudantes dominen a casuística dos contratos legais no sector audiovisual, así como todo o referente ao financiamento e busca de axudas á produción e á coprodución. Por último, incídese nas estratexias de marketing internacional, formas de acceso aso principais mercados e festivais, xestión de axudas e elementos de promoción.
Realización de prácticas
Este posgrao permite aos alumnos matriculados realizar prácticas nalgúns dos principais mercados profesionais internacionais, durante unha semana, integrados no equipo dunha empresa audiovisual nacional ou internacional. Así, este ano, 4 alumnos realizaron as súas prácticas no MIPTV en Cannes.
Deste xeito, os alumnos están en contacto coa realidade profesional audiovisual e coñecen, de primeira man, as sinerxías e tendencias dos mercados internacionais, para poder facer produtos competitivos que se poidan vender neses mercados.
Alfonso Rueda informou de que o Consello 'aprobou a orde para a posta en marcha do Bono Peixe' que ofrecerá 'ata 50 ' para mercar peixe e marisco frescos nos establecementos da comunidade adheridos. Unha medida coa que a Xunta busca 'incentivar o consumo' destes produtos galegos que son sinónimo 'de excelencia e calidade' por todo o mundo e 'facer unha chamada atención' sobre o descenso destes alimentos na dieta que se está a vivir 'a nivel nacional, europeo e mundial e do que Galicia non é allea'.
Galicia segue a ser un referente nacional en calidade ambiental e turística, con 137 bandeiras azuis e 54 sendeiros azuis recoñecidos en marzo. Sanxenxo mantén a súa posición á cabeza do conxunto estatal con 17 praias, 3 portos deportivos (o Real Club Náutico Sanxenxo, o Club Náutico Portonovo e o Porto Deportivo Juan Carlos I) e 1 centro azul (o Centro de Interpretación das Telleiras), ademais de ser o concello que conta co maior número de sendeiros azuis de toda España, cun total de 8 rutas. Galicia mantense entre as tres Comunidades con máis distintivos azuis (tras a Comunidade Valenciana e Andalucía) con 137 galardóns que inclúen praias, portos e centros azuis, ademais de 54 sendeiros azuis recoñecidos en marzo. De feito, concentra unha de cada seis bandeiras azuis concedidas este ano aos areais españois.
