miércoles, 4 de noviembre de 2026
Celébrase na Fundación Feima o Iº Festival do Audiovisual Galego en Madrid. Nesta primeira edición, que conta coa colaboración do Consorcio Audiovisual de Galicia e do Centro Galego de Artes da Imaxe (CGAI), mostraranse as producións galegas máis recentes a través de vinte curtametraxes de ficción e seis documentais, realizados nos últimos anos e que foron seleccionados para os programas Curtas e Docs, promovidos polo Consorcio Audiovisual de Galicia.
De forma paralela, presentarase a exposición Bicos de Cine do recoñecido artista pontevedrés Manuel Moldes, composta por 25 estampas que ilustran distintos bicos da historia do cine.
No acto de inauguración, tamén se presentan as Bases do Iº CERTAMEN AUDIOVISUAL “FUNDACIÓN FEIMA”, no que se premiarán, cunha dotación económica e unha estatuÃña, realizada por un escultor galego, ás mellores curtas de ficción. O total da obra seleccionada, participará na Edición 2008 de “GaliciaenCORTO”. Con este premio, de temática relacionada con Galicia, FEIMA quere estimular a creación audiovisual en dúas direccións: por unha parte, converter a Galicia nun pretexto, para o que concederá un premio á mellor curta de autor non galego; e por outra, abrir unha porta en Madrid a moitos novos creadores audiovisuais galegos, premiando á mellor curta de ficción de autor galego.
Ao acto de inauguración asiste Nacho Varela en representación oficial do Consorcio Audiovisual de Galicia, e de Manuel J. Fernández Iglesias en representación da Dirección Xeral de Comunicación Audiovisual da Xunta de Galicia e do CGAI; ademais de directores e coñecidos actores galegos.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os dÃas 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
