domingo, 1 de junio de 2025
A Consellería de Traballo solicitará unha reunión coa dirección de empresa Atento para o luns 16 de abril. Así o manifestou a directora xeral de Relacións Laborais, Pilar Cancela, tras a reunión co comité de empresa, encontro no que tamén estivo presente o conselleiro de Traballo, Ricardo Varela. A nosa intención é chegar a un entendemento coas partes, dentro das posibilidades da propia Administración e así acadar unha solución negociada ao conflicto, informou a directora xeral.
Pilar Cancela declarou que se considera prioritario o mantemento dos postos de traballo dos 179 traballadores afectados polos despidos da empresa Atento. Cancela manifestou a preocupación da Consellería de Traballo pola situación e aclarou que non se aceptará a decisión que se tomou dende a empresa.
Explicou que a dirección de Atento informou a través dunha carta de que non ten pensado pechar o centro de traballo da Coruña. A directora xeral cualificou esta resposta de ambigua e xenérica.
Pilar Cancela declarou que nese escrito a empresa argumenta que se trata dunha actividade que por circunstancias pode sufrir unha redución da carga de traballo. Cancela considerou esta explicación de insuficiente. Así mesmo, apuntou que co comité de empresa acordouse intentar manter os posto de traballo, polo que se iniciarán contactos coa directiva da empresa, explicou.
A representante da Consellería de Traballo declarou que manterán un contacto constante cos implicados, co obxectivo de encaixar xuridicamente todas as posibilidades, e sen crear falsas expectativas sobre un tema con tanta profundidade.
Pilar Cancela afirmou que Galicia non pode perder 179 postos de traballo, sobre todo tendo en conta que un número importante dos traballadores afectados son mulleres.
O músico norteamericano acumula, entre outros logros, catro discos de ouro, dous de platino e máis de seis millóns de discos vendidos en todo o mundo. A lista de recoñecementos que recibiu ao longo dos anos é tamén extensa: entre outros, un doutor Honoris Causa do prestixioso Berklee College of Music, o Premio Honorífico Miles Davis outorgado polo Festival de Jazz de Montreal, un Premio á Traxectoria da BBC outorgado por sir George Martin en 2008 ou numerosos nomeamentos e premios Grammy. Al Di Meola, un auténtico xenio da guitarra e un prolífico compositor, acumula máis de 30 álbums como líder, ademais de moitos outros onde participou, con figuras como o supergrupo de fusión Return to Forever, o célebre Guitar Trio ou o trío Rite of Strings.
O conselleiro de Sanidade, Antonio Gómez Caamaño, subliñou o novo fito acadado pola atención primaria galega ao conseguir cubrir a totalidade das prazas de formación convocadas para a especialidade de medicina e de enfermería comunitaria, un total de 260. Segundo explicou, 'Galicia terá a maior cobertura de prazas de formación en atención primaria dos últimos anos', ao lograr cubrir 207 prazas na especialidade de medicina familiar e comunitaria e outras 53 no ámbito da enfermería. Caamaño destacou que este feito amosa que as propostas trasladadas polo Goberno galego ao Ministerio de Sanidade eran medidas necesarias e acertadas.
