sábado, 8 de agosto de 2026
Esta xornada debe ser, fundamentalmente, un punto de arranque para unha nova realidade do deporte feminino. Con esta frase, Carme Adán pechaba a xornada Deporte e Muller que a Dirección Xeral para o Deporte, en colaboración coa Secretaría Xeral de Igualdade, concentrou na Casa do Deporte de Vigo a máis de medio cento de mulleres do mundo do deporte: deportistas en activo e xa retiradas, árbitros, xuíces, psicólogas e xornalistas deportivas, e outras profesionais do ámbito deportivo puxeron de manifesto cal é a realidade e cales as principais dificultades coas que se atopan as mulleres para a práctica deportiva.
Ao acto de clausura asistiron a secretaria xeral de Igualdade, Carme Adán, e as delegadas da Consellería de Cultura e Deporte en Pontevedra e A Coruña, Marta Souto e Milagros Lantes, respectivamente. Durante a súa intervención, Carme Adán insistiu en que as políticas de igualdade deben ser transversais no deseño das políticas públicas, de xeito que se traballe dende esa óptica en todos os departamentos. Carme Adán destacou que as mulleres viven as micro e as macro desigualdades en solitario, e o deporte non é alleo a esta realidade; non obstante, a celebración desta xornada é un bo punto de arranque para mellorar.
A delegada da Consellería de Cultura e Deporte en Pontevedra, Marta Souto, resumiu a filosofía do traballo desenvolvido hoxe como o primeiro paso dunha andaina que acabe coa disxuntiva muller ou deporte, e que o convirta no binomio muller e deporte.
Nas catro mesas de traballo que se estableceron repetíronse algunhas destacadas conclusións, aínda que en todas elas se insistía na necesidade de rachar con estereotipos a través da educación, formal e non formal, e que abrangue dende as ilustracións das mulleres e nenas deportistas nos medios de comunicación e na prensa, ata o recoñecemento dos postos que desempeñan nas entidades deportivas. Tamén nestes foros de traballo, destacouse a importancia de imprimir á xestión deportiva unha necesaria perspectiva feminina, para que o deporte feminino deixe de ser, como é en moitos casos, un reclamo máis para investir no deporte feminino.
Por outra banda, deportistas, xornalistas, adestradoras e moitas outras participantes nesta xornada insistiron no dobre papel da muller no deporte, en tanto que, en moitas ocasión, as mulleres que escollen o deporte, deben investir nel todo o seu tempo de lecer. A este respecto, Carme Adán lembrou que a desigualdade das mulleres do deporte non deixa de ser unha experiencia colectiva, aínda que solitaria, mais agora chegou o tempo no que as institucións públicas nos comprometemos cunha nova realidade, a do deporte, para que o papel desenvolvido polas mulleres deixe de ser invisible.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
