sábado, 8 de agosto de 2026
O programa Curtas 06 recibe un pulo importante ao participar por primeira vez na Mostra Latinoamericana de Lleida. Dúas curtametraxes incluídas no seu catálogo, Botellón e O castigo, serán proxectadas durante o festival na sección Novas Propostas, na que xa ven sendo habitual a colaboración de distintos organismos, como a ESCAC, a ECAM e Kimuak. Institucións que, como o Consorcio Audiovisual de Galicia, promoven o fomento da curtametraxe e documental a nivel nacional e internacional. Esta participación do programa Curtas de promoción da curtametraxe galega na Mostra ven propiciada pola participación de Juan Ferrer, director da Mostra, nos Encontros co cine galego Galicia Terra de Cine.
Outro dos traballos seleccionados para a competición oficial é o documental Exilios, que a produtora Acuarela Comunicación deu a coñecer no transcurso destes encontros.
Ademais, unha das producións beneficiarias na primeira convocatoria das axudas do programa de coprodución Raíces, Abrígate competirá na sección oficial a concurso. A película está producida por Continental, Oberón Cinematográfica e Patagonik e tamén conta coa colaboración da TVG. A participación desta película na Mostra de Lleida constitúe a preestrea do filme, ópera prima do director galego Ramón Costafreda.
Por último, outra produción galega que estará presente en Lleida será Concursante, recentemente estreada nas pantallas a nivel nacional, e que será apoiada pola presenza dun dos seus protagonistas Leonardo Sbaraglia.
Continúase deste xeito, o labor do Consorcio Audiovisual de Galicia para promocionar o audiovisual galego en citas tan importantes como o recente Festival de Málaga, onde dúas das catro películas con produción galega foron premiadas. Este foi o caso do filme El menor de los males que obtivo premios ao mellor guión, mellor actriz de reparto e mellor vestiario; e da película Concursante, que recibía o premio da crítica e o premio á mellor fotografía.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
